[AbOnOrA]

نعم الغضب حماقة بس اى حماقة تنسى بلده بحالها شرع الله

هم مش مسلمين وبيقولو الله اكبر ومؤيدين لحزب الله ؟ طب هو انهى دين قال مفيش قضاء ومفيش شهود ومفيش اولى امر عدول لتنفيذ القصاص ؟؟؟؟

طب هما مش متعلمين ؟ ميعرفوش انه لايضير الشاه شيئاً بعد ذبحها ؟ وان كل اللى اقترفوه من همجيه فى حق الجثة تمثيل واهدار للإدامية وتشويه لخلق الله

لو كان عمل كده فعلاً فهو مات وروحة طلعت لبارئها لكن الجثة يتعمل فيها كده لصالح مين

يا اخونا الناس ديه فوقتنا لحاجات كتير اولا مفيش لا اسلام ولا دين ولا انسانية عند الناس ديه حقاً وفعلاً وبشهادة العالم كله اهوه

ثانياً المصرى اصبح مستهدف فى كل حته ودمه ملوش تمن مش بس رخيص وهنعيش نضرب بالجزم بره وجوه ليل ونهار بعد كده اكتر واكتر

مستنين ايه تانى يحصل قابلين ليه بالزل والعار ده
فين الكرامة وهنفضل لحد امتى نمصمص شفايفنا ونسأل هنعمل ايه


طيب ايه رايكم فى ديه

يذكر أن الرئيس المصري حسني مبارك، والرئيس التركي عبد الله جول بعثا برسائل تهنئة للرئيس الاسرائيلي شمعون بيريس بعيد قيام إسرائيل الـ62. وجاء في رسالة مبارك "يسعدني تهنئتكم بيوم استقلالكم وأرغب في استغلال المناسبة لتجديد أملي في رؤيتكم ناجحا بمساعيك لإعادة مسيرة السلام بالشرق الأوسط لمسارها الصحيح وإنهاء دائرة الصراع وسفك الدماء، وهو ما سيتيح إقامة دولة فلسطينية مستقلة، تقوم إلى جانب دولة إسرائيل في أمن وسلام". وفي حين جاء في رسالة جول "باسم الشعب التركي وباسمي، ارسل تبريكاتي لمناسبة يوم استقلال اسرائيل. واود ان انتهز الفرصة لاكرر وأؤكد رغبتنا في تعزيز العلاقات مع اسرائيل على اساس الاهتمام المشترك، وبالمساهمة في السلام والاستقرار في الشرق الاوسط. اتمنى لك السعادة والصحة، والرخاء والعافية لاصدقائنا، الشعب الاسرائيلي".

فيه ايه وضاعه وحقارة بعد كده

واحد اغتصب وانتهك وقتل وروع الاف الابرياء مسنين وعجزة واطفال قبل نساء ورجال واحتل ارضك ومرمغ كرامتك فى التراب فى يوم اسود مهبب على عنيهم تقوم تبعتله تهئنه فى اليوم ده على جرائمه واهاناته ليك شعب وامه ودين ؟

انا اسف والله يا جماعة بس احنا لو فضلنا راضين بالحال ده يبقى نستاهل ضرب الصرم

ينهار اسود دول كده قفلوها زى الدومنه يعنى تعيش فى بلدك تتهان كرمتك تهج منها تتضرب بالجزم برضو

ليه كل ده مش المصرى ده كريم العنصرين بردو
مش دول اللى وصى عليهم رسول الله صلى الله عليه وسلم

هو مين جابلنا العار غير حكومة الجدار وازمات العيش والبتوجاز والسولار