[منعم الكنج]

بسم الله الرحمن الرحيم

انا الموضوع ده عايز اقوله من زمان بس مكنتش عارف المهم انه دلوقتى اتكتب
بالنسبه ان كلنا الحمد لله بنحترم بعض وبنقدر بعض وبنساعد بعض .
طيب ليه التعامل بينا يبقى اسماء وكتابه غير مباشره فقط .طيب ما احنا ممكن نتعرف على بعض بطريقه احسن وحيه عن الطريقه دى شويه .طيب ازاااااااااااى!!!!!!
انا بقترح اقتراح انا بالنسبه ليا شايفه كويس وتمام ومن الممكن غيرى يشوفه اقتراح وحش عادى اوك لان كل واحد ليه شخصيه مختلفه ورأى مختلف واختلاف الرأى لا يفسد للود او للنقاش قضيه .اللى هيعجبه الاقتراح هيدينى الاوك واللى ميعجبوش الموضوع هو حر ومفيش مشكله.
اقتراحى كالتالى هنعمل صفحه موضوع عاديه مخصوصه للايميلات او ارقام الموبيلات واللى عايز يتعرف على عضو او مشرف اخر هيشوف الايميل او الموبايل ويتكلم مع العضو اللى هو عايز يتعرف عليه وانا متاكد انها هتبقى حاجه جميله وهتقربنا من بعض اوى وممكن زى ما الاساتذه المحترمين ما قالوا قبل كده ممكن نطلع رحلات او سفارى او.....الخ وهتبقى فرصه ممتازه للتعارف والموده بينا.
ودلوقتى اى عضو محترم شايف الموضوع كويس يدينى الاوكى ويكتب ايميله او موبايله او براحته الوسيله اللى يبحب ان التعارف يكون بالوسيله دى .وايضا اى عضو محترم شايف ان الموضوع وحش اوك كلنا عاد بنقدر بعض وبنحترم بعض وانا برحب باى شكر او تعليق او انتقاد .
واسف للاطاله