رد: وأخيراً نيو أكسنت "سبورت" ونولت
المشاركة الأصلية كتبت بواسطة momo.ahmed81
العربية جديده و شكلها جديد .. بس المشكله ان السعر بتاع 80000 دا مش فيه غير عربيتين .. الريو و النيو اكسنت
الياريس مش هتنزل تانى فى مصر فى 2011 و دا سمعته من اكتر من واحد فى مصر .
بس المشكله اللى مخوفانى ان النيو اكسنت سبورت هيكون ليها انتشار ولا لأ
يعنى هتكون تسويقيا زى النتيو اكسنت العاديه ولا هتنزل بس شويه و شكرا
انا سألت فى توكيل هيونداى و قالى ان الفيرنا هتنقرض من 2010 و النيو اكسنت و الاكسنت سبورت هما اللى هيكملوا بس من 2011 هتتجمع فى مصر
انا حجزت النيو اكسنت اسبورت و كنت مفروض استلمها امبارح بس قالولى فى الوكيل ان سعرعا هينزل2000 جم يعنى هتبقى ب 80400 بس
بجد محتااااار أوى
اجيب النيو اكسنت سبورت ولا النيو اكسنت العاديه
النيو اكسنت العاديه غايظانى أوى فى انى ادفع 80000 فى عربية مفهاش مريات كهرباء
عارف طبعا انه موضوع تافه و مش حاجه بس بصراحه يغيظ
و الفرق بينها و بين الاوبترا 5000 جم بس
مش عاااارف بجد اعمل ايه
هوا الموتور بتاعهم الاتنين زى بعض فى العزم تقريبا مع ان الاكسنت اخف من الاوبترا
و شغلى فى سفر كتير اوى و طبعا اهم حاجه عندى الثبات على الطريق
بجد محتتتتتتتتتتتتتتتتااااااا اااااااااااااااااار ... برجاء افيدونى
|
إنت بتقول خلاص حجزت النيو أكسنت سبورت فعلاً ... يبأة ألف مبروك عليك عربية زي الفل والله مافيهاش أي مشكلة والنيو أكسنت بصفة عامة عربية كويسة وسوقها في مصر حلو لإنها مشاكلها تقريباً مافيش، ده غير قوة موتورها وإمكانياتها (Options) بالنسبة لأي عربية تانية في فئتها لا تقارن بيها ... والفرق بين الأكسنت العادية والسبورت مش المرايات الكهربا بس، كمان الفوج لايت ده أوبشن ناس كتير بتتمنى تركبه غير تغيير الشكل الخارجي للعربية ...
وماتشغلش بالك بموضوع السفر ... هتسد معاك إن شاء الله بس إنت ماتزودش في السرعة أوي بردو عشان أمانك قبل أي حاجة إنما العربية ثباتها معقول جداً على السرعات العالية وتستحمل السفر على كلام مستخدميها القدام من سنين ...
وبالنسبة لإنتشار النيو أكسنت السبورت، أكيد هي الي هيبأة ليها السوق قدام عشان هي الشكل الأحدث غير الإمكانيات الأعلى، ولو إن في ناس بتحب الشكل الكلاسيك ودي أذواق، وبعدين يا راجل مش لما تستلمها وتتمتع بسواقتها الأول سنتين تلاتة خمسة حتى قبل ما تفكر في بيعها -ده لو فكرت في كده- يكون حلها ألف حلال ساعتها وسعرها على الأقل عمره ما هيكون أقل من العادية في إعادة البيع عشان زي ما قلت فرق الإمكانيات ...
__________________
*/\/\/*
=========*/\/\/*
*/\/\/* No Need 4 Speed */\/\/*
=========*/\/\/*
*/\/\/*
|