المشاركة الأصلية كتبت بواسطة قيادية
السلام عليكم
انا يا جماعه فى حاله قلق شديد لانى اشتريت ماتركس اوتوماتك
ومن خلال رأيكم فيها بدأت اخاف منها لانكم اجمعتو ان المانويل افضل من الاتوماتك
تنصحونى بأيه
ارجو الرد
|
حضرتك قلقانه من ايه
المانيوال احسن من الاوتوماتيك في استهلاك البنزين و السحب ... و صيانته اسهل و ارخص
لكن هل معنى كده ان الاوتوماتيك وحش؟؟!!
الاوتوماتيك اريح بكتيييير في السواقه خصوصا في شوارعنا الزحمه الفظيعه ده غير ان اللي بيسوق اوتوماتيك بيدور غالبا على الراحه ومش حتفرق معاه فرق ثانيتين عن المانيوال علشان العربيه توصل ل 100 كم/س
وفرق استهلاك البنزين مش بالدرجه اللي الواحد يندم عليها .. لو العربيه الاوتو بتستهلك 2 لتر زياده في الصفيحه عن المانيوال... يعني اللي الواحد ممكن يوفره طول الشهر فرق استهلاك ميجيبش كنتاكي ديليفري
الماتريكس مسمعتش عن شكاوي لفتيسها الاوتوماتيك و الحمد لله داخل على 90 الف والفتيس زي ما هو
في رأيي الشخصي ... الاوتوماتيك افضل من المانيوال
في ناس معاها اوتوماتيك و بيعيش معاها اكتر من المانيوال ... ودي بترجع اكتر للي سايق عن نوع الفتيس