[بدر بسيونى]

المشاركة الأصلية كتبت بواسطة Devill Blood أحب بس ألفت نظرك لحاجة أن أختبارات الأمان فى أوروبا برضه بيختبروا العربية من ناحية الأمان من الأجانب يعنى بعد عنك بيجيبو مقطورة تدعس العربية من الجنب عشان يشوفو قوته العربية والحمد لله الصينى فشل بجداره بجد بس اسمحلى اوضحلك ان اللى بتتكلم عنه ده اسمه Side Impact Tests ,واسمحلى اوضحلك انواع اختبارات الكراش تيستCRASH TESTS تصادم التحطم الامامى (FRONT IMPACT TESTS) ودى معناها ان العربية بتصدم من الامام بحائط او سيارة (يشمل الاثنين) وبيتاكدوا منه من قدرة العربية على توزيع طاقة الاصطدام وتقليل وصولها للكابينة وكمان التاكد من الايرباج وانها فتحت ولا لا ولما فتحت سببت اى مشاكل وفتحة فى الوقت المناسب ولا لا 2. تصادم التحطم الجانبى (SIDE IMPACT TESTS) واللى اتشرفت ووضحت بس احب اصححلك ان الاختبار ده بيقيس قدرة العربية بتصميمها على امتصاص الطاقة الناتجة من الاصطدام ومدى تاثر الراكب بالتصادم وبيستخدموا فى الاختبار ده الدمى فى الغالب 3. اختبار تحطم اثناء الانقلاب (roll over tests) يعنى لما العربية تتقلب هل قوايم العربية قوية كفاية لتحتمل الانقلاب ولا لا 4. Offset tests وده اختبار بين السيارة واخرى بس مش بصورة مباشرة ومتواجهة وبرضه للتاكد من المقدمة 5.سيارة قديمة ضد سيارة حديثة وده بيتم بين عربيتين احدهما كبيرة والاخرة صغيرة او جيلين مختلفين من نفس الموديل ويعنى بعيد عنك برضوا الاجانب مابيعملوش اختبار التصادم من الجانب بس بيعملوا كل اختبارات السامة اللى فاتت ثانيا أزاى حضرتك عايز تقارن الفيرنا بa516 حضرتك لو ركبتهم هاتعرف الفرق أكيد لأن حضرتك لو خبير هاتعرف أن دى فئة ودى فئة تانية خالص

اولا ايه مفهوم فئة بالنسبة ليك على حسب علمى انت لو عارف فئات العربية ماكنتش حتقول كده



ابدا بسعة الموتور

الاسبيرانزا موتورها
سعه المحرك 1600 سى سى و يتكون من 4 اسطوانات
تصل قوه المحرك الي 117 حصان
العزم 147/4300



الفيرنا موتورها

محرك 1600 سى سى ويتكون من 4 اسطوانات
قوه المحرك 106 حصان
العزم (144/3000 Nm/RPM)


يعنى واضح انها نفس فئة المحرك

ثانيا بالنسبة للابعادالخارجية

الاسبيرانزا


الطول 4552 مم
العرض 1750مم
الارتفاع 1483 مم
قاعدة العجلات 2600 مم


الفيرنا

الطول 4214 مم
العرض 1679 مم
الارتفاع 1394 مم
قاعدة العجلات 2441 مم


ومن الابعاد
بيتهيالى الفروقات مش بعيدة زى الموتور

وكمان الفئة السعرية متقاربة الى حد كبير جدا

وكمان اسمحلى اوضحلك حاجة وزنالاسبيرانزا 1290كجم
ووزن الفيرنا 1022كجم فالسبيرانزا اتقل وزنا وموتورها اقوى كقدرة حصانية وعزم الفيرنا اقوى عشان وزنها اخف

ومن تجربيتى فى سواقة الاثنين

اقولك عيوب كل من السيارتين

الاسبيرانزا

عفشتها مش ناعمة اوى
السيارة ثابتة لحد 140 مقبول ومجربتهاش اعلى
خامتها الداخلية متوسطة الجودة بس باى حال افضل من الفيرنا

الفيرنا
خامتها الداخلية سيئة
موتور اقوى مما تحتاج اليه العربية(الموتور مش متناسب مع العربية )
ثابة كوسيس لحد 120 والثبات بيقل


الاسبيرانزا الفرامل الامامة والخلفية ديسكات والفيرنا الامامية فقطديسكات والخلفية طنابير
والاسبيرانزا 2 ايرباج وABS + EBD فى حين الفيرنا مفهاش

والاثنين فيهم عيوب ومافيش عربية كاملة فى الدنيا كل عربية لازم فيها عيوب
وسامحنى على عدم خبرتى