[محامي من مصر]

الف مبروك السياره وربنا يديك خيرها ويكفيك شرها.
عامة أنا بدأت أقتنع أنه مستحيل أنك تشتري عربيه مستعمله ألا لما تصرف عليها وصرف مش عادي لأ حاجات مؤثره وغاليه لأن اللي بيبيع في الأغلب لأن العربيه فتحت صرف معاه وهو مش قادر على مصاريفها لاني لسه شاري أكسارا 1 من ثلاث شهور والحمد لله صرفت كتير جداًُ في حاجات تقيله وغاليه جداً.
بص حضرتك أنا كان عندي نفس العيب بتاع أن العربيه على التاني والتالت تحس أنها مخنوقه جداً وسحبها ضعيف وبصراحه مكنتش عارف أيه السبب وبعدين فجأه العربيه وأنا بدورها طفت ومرديتش تدور نهائي فرحت جبت ونش ووديتها مركز امير وجوزيف في مدينة نصر وقالولي أن طلمبة البنزين قطعت وعايزه تتغير كامله بالعوامه وطبعاً غيرتها وبعدها العيب ده أختفى والحمد لله وأصبح سحبها طبيعي يمكن ده هو نفس العيب اللي عندك وخصوصاً أنك بتقول أن في مشاكل في الطلمبه ولكن مع الأخذ في الأعتبار ان عربيتي مانيوال ويمكن الأمور تكون مختلفه في الأوتوماتيك. وربنا يوفقك بإذن الله لما فيه الخير