[miam0502788391]

فى حديث عن الرسول صلى الله عليه وسلم عن ثلاثة من النعم وذكر فيهم الدابة السريعة والبيت الواسع والزوجة الصالحة واذا ترجمنا الدابة اليوم تصبح السيارة فسيارتك اذا كانت من النوع اللى يقضى مشاويرك بسرعة من غير ما تخذلك ويرحمك من ذل وزحمة المواصلات تبقى من النعم التى يستحق الشكر عليها فالحمد لله الذى انعم على بسيارة بعد بهدلة المواصلات والوقوف على الطرق السريعة هنا وهناك استنى مواصلة تودينى لأقرب مكان او ركوب سيارات مواصلات عفا عليها الزمن تتحشر جواها ولسة اصحابها يقولوا عليها زى الفل عمرها الإفتراضى العاشر انتهى منذ زمن او سيارات اصلا مخصصه لنقل البهائم يقوما يعملوا لها كبوت وتنقل بنى ادمين ويطلع ليها رخصة اجرة عادى او تركب قطر مفيش فيه عربيات غير درجة تالته لا فيها شبابيك وكراسى مكسرة وطوب يتحدف عليك من كل ناحية او تركب اوتوبيس عام عاوز يتكهن من سنين المشوار اللى ياخد ساعة يوصلك فى ساعتين
شوفتوا بقى العربية نعمة ازاى * الحمد لله اللهم دمها واحفظها من الزوال