بص ياريس عربيه ضعيفه ومش يابانى ده اولا قطع غيرها متوفره ورخيصه صاجها خفيف عربيه مش موزونه على الطريق ومش كويسه فى السرعات العاليه فوق 150 لكن سوقها كويس اعدت بعها كويسه جدا وشكلها غبى والمساعدين عيدان كبريت والصاج ضعيف اوى
ثاينه الجراند بونتو
سياره ممتازه موزونه صجها كويس قويه فخمه عن الياريس بكتير قعدتها غير قعتد الياريس افضل بكثير موزونه فى السرعات العاليه وكفايه انها ايطالى وكفايه شكلها من بره ومن جوه العيوب توكيل سئ قطع غيار قليله وغاليه لكنها معمره
الجراند بونتوا بالمقارنه بالياريس
Grand Punto : 4.5 star
Yaris :4 star
ده بس عشان منظلمش الياريس
وده موضوع لاستاذ
AboNoRa هو الى عاملو
رغم كراهيتى المعروفة لكل ما هو دون الكامرى فى تويوتا
ورغم شكلها الخزعبلى اللى مش قادر اتقبلة حتى الان
لكن دايماً كان نفسى اجرب العربية ديه يمكن علشان حبى للسيارات السيدان الكومبكت وبالاخص ال 1300 سى سى
واخيراً جت الفرصة لاختبار السيارة عن طريق صديق لى معاه العربية ومعجب بيها اااااااااااااخر حاجة
الشكل الخارجى
العربية من حيث الشكل الخارجى مختلفة ومميزة عن اى عربية تانية وصعب يتفق عليها الجميع
انا شخصياً مش عاجبنى شكلها لكن صديقى صاحب العربية معجب بيها مقدرش اقول غير انها اذواق
لكن مشكلة تصميمها الخارجى الحقيقة بالنسبالى فى زاوية الميل الكبيرة جداً للمقدمة
وديه بتخلى الرؤية من المقصورة مستحيلة لمقدمة السيارة
بالاضافة لانها هتخلى العربية سهلة التأثر باى تصادم من الامام خاصة وان الاكصدامات ضعيفة جداً
ده بالاضافة لاعتراف صديقى بان الدهان بتاعها سىء وسريع التأثر باقل الخدوش
تقديرى للشكل الخارجى (سىء)
الصالون الداخلى
<table id="ncode_imageresizer_wa rning_1" class="ncode_imageresizer _warning" width="600"><tbody><tr><t d class="td1" width="20">
</td><td class="td2">This image has been resized. Click this bar to view the full image. The original image is sized 1600x1200.</td></tr></tbody></table>
الصالون واسع
الخامات ممتازة
مساحة التابلوه كبيرة جداً وفى رائى غير مستغلة
الكراسى عالية بشكل مستفز
علو الكراسى مع قعدتها مع العدادات فى الوسط بتفكرنى جداً بالهيونداى ماتريكس
واكيد لو حد طويل دماغة هتلزق فى السقف
العزل جيد جداً ولا يمكن سماع صوت الموتور الا مع التسارع
الشنطة والمساحة عامة جيدة جداً فى هذه الفئة
العدادات فى الوسط ممكن تكون ميزة للبعض بس انا مش متعود عليها ومريحتنيش خالص
عدم وجود مؤشر للحراره كالكثير من السيارات الحديثة برضو حاجة مش ظريفة
محتاج فتره كبيييييييييره علشان تعرف ابعاد العربية بجد مش هتشوف لا قدامها ولا وراها ابداً
تقديرى العام للصالون وراحة القيادة (متوسط)
الأداء
التسارع ممتاز
العزم
على السرعات العالية ضعيف جداً وده طبيعى لقوه الموتور
لكن العزم عامة جيد جداً ومش محتاج تدوس بنزين كتير ازا كانت سواقتك هاديه
الفرامل ممتازة
اعتقد السبب فى ده خفة وزنها
التحكم والثبات
خفة وزن العربية مع علوها الكبير عن الارض مع المساعدين الخفيفة مع الباور الكهرباء مع وضعية الكراسى العالية تخليك تحس انك سايق ميكروباص تويوتا مش عربية سيدان
العربية ابعد ما تكون عن القيادة الرياضية على الرغم من عزم الموتور الجيد والفرامل الممتازة
الثبات فى المنحنيات غير مطمئن اطلاقاً
واكيد اكيد لو الشنطة محملة العربية هتعوووووووووووم جامد جداً
(راى صاحبها)
صاحبها راضى بشكل كبير جداً بادئها من ناحية الثبات فى الملفات واعتقد ان ده راجع لتعوده عليها
لكن فى المقابل
نفس العوامل اللى ذكرتها (علو السيارة عن الارض + المساعدين الخفاف + وزن السياره الخفيف)
بتخلى قيادة العربية على الطرق الغير ممهدة ومع المطبات مريحة جداً
التقييم العام
بالاضافة لما سبق وبمراعاه
خدمة وسمعة التوكيل الممتازة
انتشار العربية وثبات سعرها السوقى
استهلاك الوقود الممتاز
وسائل الامان وتقييمها الرائع فى اختبارات التصادم الاوربية
ارى انها سياره جيدة لاستخدام اسره صغيرة او زوجة واطفالها وممتازة للاستخدام داخل المدينة
