هو انا اولا حاسس ان الساجا حجمها اكبر من اللوجان من الصور انا شوفت اللوجان فى الشارع بس الساجا لا
اتمنى التاكد من طول السياره اللوجان وعرضه
من وجهه نظرى الفرق وانا بقارن بقالى فتره بين الاتنين
الساجا 1300 سى سى بس استهلاكها فى البنزين يساوى استهلاك اللوجان ال1600 سى سى معرفش ده ناتج عن ايه بس ده من كلام اللى اشتروها
الساجا فيها ميزه مش موجوده فى اللوجان وهو السنسور بارك واللى جرب عربيه فيها سنسور بارك هيعرف انه يعطى السياره ميزه كبيره
اللوجان فيها مميزات مش فى الساجا زى كمبيوتر الرحلات متقدم شويه فيه متوسط استهلاك البنزين والشكل الداخلى بصراحه اجمد بكتيرمن الساجا بس دى وجهات نظر طبعا وكمان شنطه اللوجان اوسع
اللوجان كمان زجاج كهرباء امامى وخلفى طبعا انا بقارن مع الفول اوبشن للوجان لان الهاف اوبشن ضعيف المقارنه مع الساجا ككامليات
قطع الغيار
حاليا فى مصلحه اللوجان لانها موجوده بقالها سنه ونصف فى مصر
التوكيل
من راى المتعاملين توكيل الاتنين سىء وانت وحظك معاهم
اعاده البيع
دى فى علم الله صعب حسابها اللوجان فى الاسواق المصريه منذ اكثر من سنه ونصف والساجا بقالها 4 شهور فقط محدش هيعرف مين اللى هتنتشر وعلى هذا الاساس سعر اعاده بيعها هيرخص بس انا شايف اللوجان تقريبا بتنتشر اكتر اليومين دول
ملحوظه مهمه جدا
اللوجان دخلت فى احلال التاكسى المرحلة القادمه
دى ميزه لبعض الناس وعيب للبعض الاخر
يعنى فى ناس تقول دخلت تاكسى يعى هترخص قطع غيارها وهتتوافر بره التوكيل والميكانيكيه هيشتغلوا فيها
وفى ناس تقول انا مشتريش عربيه شغاله تاكسى زى مثلا معملت بعض الشركات ورفضت انها تنزل فى مشروع احلال التاكسى مثل النيسان مثلا والحركه دى كسبتها عملاء كتير من وجهه نظرى
السعر الان
طبعا المانول الساجا 63900 واللوجان 68000 يعنى اللوجان اغلى باكتر من 4 الف جنيه
انا راى الاتنين ممتازين وحلوين بالنسبه لسعرهم واللى هيختار دى او دى مش هيبقى مخطا
انا بفكر جديا بقه فى الساجا هتقولى ليه
1- عشان فرق السعر ارخص هيفرق مع الواحد فى ثمن العربيه ثم الترخيص بعد كده الترخيص هيزيد الضعف يعنى انت ممكن ترخص ال1300 ب 650 جنيه وال1600 هتضرب فى2 يعنى 1300 تقريبا
2- السنسور بارك ميزه الساجا
3- شكل الساجا الخارجى احسن من وجهه نظرى
4- ان السياره بتاعتى مش عايزها تكون معروفه فى الاول يعنى اللى يبص على العربية دى ميعرفهاش ممكن يفتكر انها عربيه غاليه معديه ال 100 الف
اشتغاله يعنى وانا مش عايز اجيب عربيه نازله فى احلال التاكسى بصراحه
وانا حاسس ان الساجا عملت شغل كويس فى أقل من 4شهور ومين عارف بعد سنه هيبقى موقفها ايه فى السوق؟؟؟