رد: لماذا انخفضت أسعار السيارات في العالم كله ولم تتأثر في مصر؟
احييكم على وجهه نظركم استاذ Powert - smsm451 .... و اضم صوتي ليكم
واحب اضيف نقطه يمكن ذكرتها في موضوع تاني بس لتثبيت رأيي
الفكره في انخفاض الاسعار مش اننا كمستهلكين بنستغل الوضع او الظروف او بنرد للتجار الزيادات الغريبه اللي كانت بتم ....
لأ .... مش دي الفكره خالص
الفكره كلها ان الازمه اللي موجوده حاليا و المفروض انها بتأثر في الدنيا كلها و منها مصر بتؤدي الي اضعاف القوى الشرائيه ... وضعف السيوله لدى المستهلكين
يعني الناس معندهاش السيوله اللي تشتري بيها زي الاول .... و بالتالي انخفاض الاسعار يساعد الناس انها تشتري و تفضل العجله دايره .... لكن لو الاسعار زادت ... يا اما الناس حتبطل تشتري اي حاجه ... الا الاساسيات و الضروريات وبس
يا اما الناس حتشتري شويه لحد ما اللي معاها يخلص و ساعتها تنبيع هدومها
الامريكان نفسهم ابتدوا يبيعوا حاجاتهم المستعمله زي الفرش و لعب الاطفال وخلافه ... و ده لقله السيوله و قلقهم من السنه اللي جايه و كل واحد معاه قرشين بيحسبها قبل ما يصرف منهم اي مليم
وبالتالي انخفاض الاسعار معناه ان المنتجين و الموردين و المصانع و التجار و كل الناس تخفض الاسعار لان الدخول قلت والبطاله زادت و بالتالي المكاسب تقل علشان تفضل الدنيا ماشيه
لكن التفكير الفهلوي بتاع التجار انهم يزودوا الاسعار فيعوضوا فرق قله المبيعات نتيجه الازمه فده تفكير عقيم و ساذج لأن الظروف المره دي مش بتاعت الكلام ده ... واللي معاه فلوس حيفكر ميت مره قبل ما يصرفها طالما الصوره مبهمه ومش واضحه خصوصا في منتج زي العربيات
وبرضو ده رأيي الشخصي و الله اعلم
__________________
من تواضع لله رفعه The ultimate car would be designed by Italians engineered by Germans built by Japanese &
|