[khaled al sharif]

المشاركة الأصلية كتبت بواسطة mido-spicy يعنى يا جماعه هى السلوكيات دى مابيعملهاش غير اللى راكبين عربيات ؟؟؟ طيب ما الناس اللى ماشيين فى الشارع بيعملوا اكتر من كده 100 مره .... المشكلة بقت فى ناس بتعمل دا سؤاء راكبه عربيات او راكبه رجليها.... وناس تانيه بتقلدها .... وناس تانيه تعمل انها قرفانه من اللى بيحصل وصدقونى لما بيتزنقوا بتعمل كده .... وناس تانيه بتستنكر دا ومش بتعمل دا حتى لو اتزنقت بس لو حد معاها عمل دا مابيهونش عليها تقوله ماتعملش دا على فكرة انا مش بدافع عن العادات دى ولا قصدى انى بعمل زيها بس لو احنا متضايقين قوى من اللى رما سيجاره ولا رمى منديل ... امال نقول ايه بقى للى بيمشى بعربيته وشكمانها مطلع هباااااااااب ولا اللى ماشى على رجله على الرصيف وتلاقيه مره واحده وقف ادامك وانت ماشى بالعربية على اعتبار انه عايز يعدى الشارع مع انى اعتقد انه فى معظم الحالات دى بيكون اخر مره بينطبق عليه حكمة ليس كل ما يتمناه المرء يدركه الموضوع مش عاده او اتنين غلط ولا لما نكتب عن اللى الحاجات اللى حصلتلنا وضايقتنا الناس لما تقراها هتبطل تعملها الموضوع غياب ضمير ومش عارف لغياب ضمير الحكومه فى كل حاجه فى بلدنا ضميرنا احنا كمان غاب ولا احنا اللى ضمير غاب فربنا غضب علينا وجابلنا حكومه تخلص زنوبنا .. بجد مش عارف اسف على الاطالة وانى اخدت الموضوع لسكه تانيه خالص مع ان الموضوع كله سيجاره و منديل اترموا من شباك عربية (انت بس يا أ/ خالد لو كنت قلتلى من الاول على اللى رمى المنديل والسيجاره كنت كلمته بالراحه وخليته يشيلها وماكنتش وجعتلكوا دماغكوا ) عموما ...... مجرد راى

المشاركة الأصلية كتبت بواسطة mesho70 الموضوع دة فعلا ً مهم جدا ً وانا لو اتكلمت على السلوكيات الخاطئة مش هينتهى الكلام ولكن اعتقد ان كل واحد منا يقدر يقدم حل يقولة فعنى اثناء السفر ( مسافات طويلة واسير بصحراء ) وبالرغم من وجود طفاية سجائر بالكنبة الخلفية الا انى اضع كيس بلاستيك للاولاد لإلقاء المناديل وفارغ البسكويت والشيبسى ( هم عاملينها رحلة ) وارفض تماما ً ان يقوموا بإلقاء اى شىء من الشباك وبرضو اخى بيشرب سجائر وارفض تماما ً ان يشربها بالعربية وان اراد اركن على جنب ايا كانت الظروف من ( استعجال او جو بارد او هواء شديد ) لحين الانتهاء من شرب السجارة ثم اكمل الطريق اعتقد اننا ممكن نبدأ بأنفسنا وربنا يعيننا ونحاول نعمل حاجة صح وشكرا ً على الموضوع

هوده إللي المقصود تماما الله ينور علي حضرتك ... نشجع بعض علي تجاوز السلبيات ونوضح للأخرين إزاي بننجح في تطبيقها عشان نوصل
لــ واحد+ واحد = مجتمع
شكرا لمشاركة حضرتك الإيجابية جدا