[khaled al sharif]

المشاركة الأصلية كتبت بواسطة mido-spicy يعنى يا جماعه هى السلوكيات دى مابيعملهاش غير اللى راكبين عربيات ؟؟؟ طيب ما الناس اللى ماشيين فى الشارع بيعملوا اكتر من كده 100 مره .... المشكلة بقت فى ناس بتعمل دا سؤاء راكبه عربيات او راكبه رجليها.... وناس تانيه بتقلدها .... وناس تانيه تعمل انها قرفانه من اللى بيحصل وصدقونى لما بيتزنقوا بتعمل كده .... وناس تانيه بتستنكر دا ومش بتعمل دا حتى لو اتزنقت بس لو حد معاها عمل دا مابيهونش عليها تقوله ماتعملش دا على فكرة انا مش بدافع عن العادات دى ولا قصدى انى بعمل زيها بس لو احنا متضايقين قوى من اللى رما سيجاره ولا رمى منديل ... امال نقول ايه بقى للى بيمشى بعربيته وشكمانها مطلع هباااااااااب ولا اللى ماشى على رجله على الرصيف وتلاقيه مره واحده وقف ادامك وانت ماشى بالعربية على اعتبار انه عايز يعدى الشارع مع انى اعتقد انه فى معظم الحالات دى بيكون اخر مره بينطبق عليه حكمة ليس كل ما يتمناه المرء يدركه الموضوع مش عاده او اتنين غلط ولا لما نكتب عن اللى الحاجات اللى حصلتلنا وضايقتنا الناس لما تقراها هتبطل تعملها الموضوع غياب ضمير ومش عارف لغياب ضمير الحكومه فى كل حاجه فى بلدنا ضميرنا احنا كمان غاب ولا احنا اللى ضمير غاب فربنا غضب علينا وجابلنا حكومه تخلص زنوبنا .. بجد مش عارف اسف على الاطالة وانى اخدت الموضوع لسكه تانيه خالص مع ان الموضوع كله سيجاره و منديل اترموا من شباك عربية (انت بس يا أ/ خالد لو كنت قلتلى من الاول على اللى رمى المنديل والسيجاره كنت كلمته بالراحه وخليته يشيلها وماكنتش وجعتلكوا دماغكوا ) عموما ...... مجرد راى

رأي محترم من شخص محترم بس هو الموضوع مش شخصي ولا حاجه هو أنا قصدي يا أستاذ احمد إن إحنا نأكد لبعض علي بعض السلوكيات إللي لازم نبطلها بصفة شخصية يعني علي مستوي الأفراد لو مش قادرين زي حضرتك ما بتقول نحولها لصفة جماعية لأن مردها غياب الضمير ....صدقني أنا أحيانا برمي المنديل من شباك العربية وفي يوم بعد ما رميته وقفت علي جنب ونزلت شيلته ... عشان تذكرت قول ربنا ( أتأمرون الناس بالبر وتنسون أنفسكم ) وعشان إبني إللي راكب جنبي لما يقعد مكاني ما يعملش زي ولما أقوله مترميش حاجه من شباك العربية يعرف إن أنا بأمره باللي بعمله ... يعني من الأخر واحد + واحد بيساوي مجتمع بدون سلبيات وبعدين ( لا تحقرن من المعروف شيء ولو أنت تلقي أخاك بوجه طليق ... عشان كده كان إماطة الأذي عن الطريق حتي لوكان حجر صغير شعبة من شعب الإيمان ) ... وشكرا لحضرتك