السلام عليكم
اولا يا شريف باشا تسلم ايدك على التقرير المفصل الأكثر من رائع و انا اسف على التأخير فى الرد لأنى لما روحت البيت نمت فورا و صحيت تانى يوم على ميعاد الشغل .. هههههههه
طبعا امبارح كانت جولة ممتعة جدا كالعادة مع شريف باشا ملك الالمانى
و الغرض الرئيسى من الجولة كان معاينة الفئة الخامسة الجديدة موديل 2011 و اللى عرفنا انها نزلت فى المعرض و طبعا بالمرة نعمل جولة سريعة على باقى المعارض فا اتفقنا على المقابلة و تقابلنا كما اسلف شريف باشا امام توكيل الوحش الالمانى المتميز فولكس فاجن و دخلنا شوفنا الطوارق المعروضة بعروض اقل من سعرها علشان طبعا يخلصوها قبل الشكل الجديد ما ينزل 2011 و يغطى على الشكل الحالى و نظرا لأن المعرض كان لسة فاتح حالا نط لنا رجل مبيعات و لزق لنا
و كالعادة الجودة و الشياكة الالمانية التى لا يعلى عليها و التى تجعلك تتمنى من كل قلبك ان تنضم لنادى مالكى السيارات الالمانية و بعد ما عايننا الطوارق بفئاتها المختلفة خدنا بصة على الباسات العادية و السى سى و هما غيروا انتريور الباسات العادية و خلوها نفسى الباسات سى سى ... و بعد الاطلاع على الفئات و المواتير المختلفة و المزودة بشواحن التيربو تركنا رجل المبيعات اخيرا لنتفقد السيارات براحتنا و اتفقنا فعلا ان الباسات العادية عملية وواسعة اكتر و لكن السى سى شكلها ملوش حل و هجومى جدا و شيك جدا جدا و هى سيارة تعطيك اداء غير عادى و كماليات غير عادية و باسعار معقولة جدا بالنسبة للجودة و الاداء و الكماليات و بالمقارنة مع مثيلاتها من الوحوش الالمانية الاخرى و طبعا يكفى انها المانى .. يعنى عربية تركبها و تنسى الدنيا
ثم انطلقنا من معرض الوحش الالمانى لنلقى نظرة سريعة على النيسان باترول الجديدة فى توكيل نيسان و فى الطريق كان توكيل بورش وحش الوحوش و طبعا ماينفعش نعدى من غير ما نسلم ... ههههههههه
و بالفعل تم الدخول و متعنا نواظرنا بالفخامة و الجمال و القوة ....
داخلية البناميرا بالفعل لا يظاهيها شىء ايه ده عملوها ازاى العربية دى ... و بعدين دخلت و جلست فى كاريرا 4 اس و حسيت انى مش عاوز اتحرك منها ... انا راكب عربية و لا صاروخ ... قاعد فى عربية ولا طيارة خمسة و عشرين نجمة شياكة و قوة و خامات من اجود ما يكون فى العالم و احساس لا يضاهى
و اكتر حاجة ماعجبتنيش خالص هناك الاسعار طبعا اللى فى الخيال و الاحلام
ثم انطلقنا و فى الطريق كان توكيل جيب و دودج و كرايسلر فدخلنا القينا نظرة سريعة على (تشالنجر) الوحش الجديد و لكننا لم نكمل عدة دقائق و انطلقنا مرة اخرى لأن مفيش وجه للمقارنة بينهم و بين سيارات الصفوة من بورش .. مع الاعتراف بان شكل التشالنجر بجد جذاب و متوحش جدا ...
ثم وصلنا الى توكيل نيسان و نحن نتعجب بان فيه ناس بتتفرج على الماكسيما الجديدة و بتفكر تشتريها مع وجود الباسات و الباسات سى سى فى نفس الفئة السعرية ... صحيح الناس اذواق ....
و طبعا ماكملناش نص دقيقة فى توكيل نيسان لأن الباترول الجديدة مانزلتش فانطلقنا الى وجهتنا الرئيسية و هى بى ام دبليو
اول ما وصلنا التوكيل لقيناهم حاطين الفئة الخامسة الجديدة فى اوضة صغيرة .. خايفين عليها من الحسد
و بصراحة مع كامل احترامى و تقديرى هى عربية قص و لزق بين الفئة الثالثة و السابعة و ليس لها هوية متفردة ولا طفرة قوية كسابقتها
و بعد الجلوس فيها فى كل المقاعد تأكد لنا ذلك و اتجهنا الى الجى تى و اللى برده ماعرفناش هى نازلة علشان تنافس ايه و زى ما شريف باشا قال هى اوسع من الفئة الخامسة العادية و دى اكتر حاجة عجبتنى فيها و لكن ما دون ذلك هو غير ملفت للنظر ايضا لا التصميم و لا المساحة الخلفية و لا الداش بورد و الذى هو اقل فى التصميم من كل من الفئة الخامسة الجديدة و الفئة السابعة الحالية ....
ثم اكملنا الجولة و ظهر لنا وحشان كنت هاعيط لما شفتهم و هما X6M X5M و بينهم m3 غلبانة كدة واقفة ماحدش معبرها
بجد عربيات مش طبيعية بالمرة .. و اللى لفتت نظرى اكتر ال X6M نظرا لأن لونها كان احمر و كان فرشها جلد احمر ... سيارة متوهجة و جاهزة للإنطلاق
و كان فيه عربية 630 واقفة و لم اكن ركبتها قبلا فقررت الجلوس فيها لأخذ احساسها و حدثت المفاجأة غير المتوقعة ...... اشيك و احسن عربية ركبتها فى حياتى و اتمنيت يكون معايا المفتاح ساعتها علشان اخدها و انطلق
و كملنا الجولة على الفئة الاولى و الثالة و z4 الجديدة و الضيقة جدا و طبعا X1 الجديدة و التى لم تلقى استحساننا .. صغيرة جدا جدا و غير ملفتة و طبعا احنا كنا لسة مع الوحوش حالا ... و هذه ليس لها مكان بينهم
و خدنا جولة سرعة على رينج روفر السبورت و العادية و انطلقنا فى السريع ...........
الى توكيل الوحش المتفرد مرسيدس و فى الطريق كان توكيل هيونداى فدخلنا بصينا فى السريع على السوناتا الجديدة ذات الشكل المميز و التوسون الجديدة المتميزة ايضا فى الشكل و انا راكب السوناتا .... بقول لشريف بس انا مش شايف اى زراير او اوبشنز خاصة بالثبات ولا الاداء ....... قالى فوووووووووووووووووووووووو وق يا استاذ .. احنا فى توكيل هيونداى
بس بصراحة اسعارها مناسبة و منافسة جدا و انطلقنا الى مرسيدس النجمة الثلاثية
و وقعت اعيننا عى E63 AMG الجديدة اسرع سيدان فى العالم بعد ما بهدلت الكاديلاك CTSv اللى كانو طايرين بيها ....
طبعا لا تحتاج الى وصف صاروخ ارض جو جو ارض و دبابة و سفينة حربية و كل حاجة
و طبعا بما انى كنت لسة مذهول من البى ام 630 قلت لازم اركب مرسيدس cl500 علشان اقارن ... البى ام تكسبببببب
المرسيدس فخمة اكتر و كلاسيكية اكتر و البى امر رياضية اكتر و شياكة فظيعة بما انهم سيارتين رياضيتين فى البى ام تكسب خصوصا بان تمنها اقل من نص تمن المرسيدس
و شفنا طبعا الديزاينو اللى قال عليها شريف باشا و كطبيعة الحال .... مش عربية ... صالون ملكى ...
و طبعا روحت البيت زى ما شريف باشا قال بالظبط ... شد و حرق
يمكن اقتنع انى راكب عربية ... مش تكتك
الانطباع العام :-------
شكرا من كل قلبى ايها الألمان
و شكرا لكم جميعا