[mesho70]

المشاركة الأصلية كتبت بواسطة medo akef الف شكر يا مان علي المتابعه و الرد الجميل ولله يا مان هي وجهات نظر و انا اصلا مش شاري عربيه ب100 الف عشان يحصل فيها حاجه يعني الموتور مش هخلي حد يلمسو ابدا و كفانا الشر لو حصل اي حاجه في ميكانيكيين متخصصين في متسوبيشي ممكن اروح لهم دا بعد زمن ان شاء الله امال يا مان مين الي بيركب التربو و بيقلب اداء المحركات الانسر لاداء رياضي؟ في ناس بتفهم في العربيات احسن من الف مهندس في التوكيل بتاع العفشه الي انا بربط عنده معندهوش الا عربيات معدله و عفشات رياضيه و الشغل ده يعني راجل دماغ كبيره اما صيانه التوكيل عموما حضرتك قلت بنفسك انك محستشي بأي حاجه ولا اي فرق هو المفروض طبعا صوت الموتور يوضي و الاداء يبقا عالي لكن دا عشان الزيت مش ابداع منهم و اصلا العربيه بتاعت حضرتك 10 الاف كيلو هما هيعملو فيها ايه اصلا!!!!!! يعني لو انا فكرت اصلا اروح توكيل هروح 50 الف او 80الف الصيانه الكامله غير كدا مش هيشوفو وشي و يا مان انت مععاك لانسر يعني قطع غيار علي اول الشارع و ميكانيكي تحت البيت لو كان الحوار حوار توكيل علي كل العربيات كان زماني جبت سوبارو و سوري دست علي الانسر الف مره مش نظريه بردو يا مان؟

اكيد نظرية يا مان وتحترم جدا ً

لكن بالنسبة لى الموضوع محير شوية يعنى انا جايب العربية بضمان وانت عارف طبعا ً

ان الفرق بين الضمان والخليجى بدون ضمان فرق كبير ولو مرحتش التوكيل كل 10

الاف كم الضمان بيتلغى ويبقى اللى دفعتة ملوش لازمة - ان شاء الله منحتاجش للضمان

اصلا ً - كمان العربية انا مكنتش حاسس انها محتاجة ضبط لانها والحمد لله كانت

مضبوطة تماما ً وانا افتكر لما اشتريت الاكسنت سنة2001 طبعا ً حضرتك عارف انها

تجميع مصرى ( وهذا من فضل ربى ) وانا مروح كنت ماشى بسرعة 60 :70 كم/س

علشان التلين واول ما اكملت 1000 كم ( وانا لسة فالطريق موصلتش البيت ) قلت

افتح شوية وبجرد ما وصلت سرعة 90 حسيت انى راكب وابور زلط وكل ما اهدى

شوية وارجع اجرى الاقى المشكلة بتذيد رعشة فالدركسيون وحدفة عايز واحد معاك

يمسك التارة وطبعا ً تخيل النكد اللى حصل ومكنش فية حل غير انى ارجع كل المشوار

دة تانى علشان ارجع العربية وحصل ولما رحت الصالة صاحبها كان قبض خلاص وقلى

انت لازم تروح التوكيل بيعملولك صيانة الالف ويظبطولك العربية واخدت فالموضوع دة

3 ايام يعلم بيهم ربنا والعربية كانت محتاجة ترصيص وضبط زوايا وعملوها مجانا ً

فالتوكيل الرجوع والموقف كان متعب جدا ً

اما بالنسبة للانسر فالموضوع مختلف لان العربية بتيجى مضبوطة تماما ً

اما موضوع انى اعمل الصيانة برة التوكيل دة ممكن بعد ما اخلص فترة الضمان وتبقى

الصيانة الخفيفة فقط اما تغيير سيور او صيانة كبيرة تبقى فالتوكيل ان شاء الله