السلام عليكم جميعا
بعد ان طرئ الي علمنا وصول الفئة الخامسة الجديدة من بي ام دبليو و مع علمنا بوجود الفئة الخامسة GT منذ مدة في صالة العرض قمت و انا و اخي و صديقي محمد كمال BMKBMK بعمل جولة في معارض السيارات في الكويت كما اعتدنا و منها معرض بي ام دبليو بالتاكيد. و لسبب غير معروف و بالصدفة تم اقتصار الجولة علي السيارات الالمانية اللهم الا من نظرة خاطفة علي توكيل نيسان و هيونداي و ده تقرير بالجولة مع شوية صور.
اتقابلت مع محمد باشا امام توكيل فولكس و بدائنا بيه الجولة.
نجمة المعرض هي الطوراق لانهم عاملين عليها عروض طبعا عشان يتخلصوا من الستوك اللي عندهم قبل نزول الشكل الجديد. طبعا بصينا عليها و كالعادة انبهار تام بالتقفيل و الجودة. و بعد الطوراق لاحظنا وجود الباسات العادية و ال CC و للعلم التوكيل كان بقالهم فترة موقفين الباسات العادية الا من النسخة الفاضية تماما عشان متغطيش علي ال CC خصوصا انهم منزلينها بمتور ال 1.8 و ال 2.0 و الاتنين تيربو TSI بقوة 160 و 200 حصان علي التوالي. طبعا علي طول ابتدت المقارنة بين العربيتين و النتيجة كالاتي الCC اشيك بكتير من العادية و الاتنين بتشاركو في الانريور مع ملاحظة ان العادية اوسع من الخلف و ده يرجع الي الانحناء الشديد في سقف ال CC من الخلف بسبب شكل الكوبية و برضة يعيب ال CC انها 4 راكب فقط لان الكنبة الخلفية فيها جيب تخزين في منتصفها. بشكل عام تفضيلنا كان لل CC رغم العيوب البسيطة اللي فيها و كمان شفنا انها احسن من ال C Class و ال 3 Series لان كماليتها اكتر و مساحتها اكبر و كمان ارخص. بعد كده القينا نظرة خاطفة علي الجولف GTI و الشوروكو و خرجنا.
المحطة التانية كانت للوحش الالماني برضة بورش. و بصينا علي البانيميرا و الكاريرا و الكايين التيربو و ملينا عنينا بطبلون البانيميرا المثير و نظرات الالم تملي اعينا من شياكتة و جمالة و عشان ميجلناش ازمة قلبية قررنا الخروج بسرعة
بعد كده اتجهنا الي توكيل نيسان لاني كنت سمعت عن وصول الباترول الجديد لكن ملقنيهاش و مكملناش دقيقة داخل التوكيل و طبعا نظرات القرف لا تفارق اعيننا نتيجة للنقلة الحضارية المعاكسة اللي تعرضنا ليها. و طبعا خلال المسافة بين التوكيلين لم يخطر في بالنا دخول اي توكيل تاني.
بعد الصدمة الحضارية قلنا كفاية كده و خلينا نخلص و نروح لبي ام علي طول و قد كان. و احب انتهز الفرصة و اعتذؤ عن تصوير اي عربية من التوكيرت السابقة لعدم سنوح الفرص لاننا كنا محاصرين من احد مندوبين المبيعات لكن الوضع هيختلف دلوقتي. اول ما دخلنا التوكيل لفت نظري فئة خامسة GT سوداء واقفة اما كيمو فلاحظ كوردون غريب من باين كنه الا فانوس و لقيته بيقولي مش هي دي و فعلا كانت الفئة الخامسة الجديدة و بسبب ضيق المكان معرفتش اخد اي صورة للعربية من برة هي الصورة دي للطبلون
اما انطباعنا عن العربية هو كالاتي
العربية بكل صراحة مخيبة للامال و مفيهاش الكاريزما و التميز بتاعت الجيل الحالي و العربية من الاخر هجين بين الفئة التاتة و السابعة مع نفس الانتريور للفئة السابعة لكن طبعا كبي ام دبليو مستوي التقفيل و الفخامة لا غبار عليه لكن العربية غير مبهرة علي الاطلاق و كلاسيكية بدرجة كبيرة و شخصيا اعتقد ان المرسيدس E Class بتتميز بشخصية اقوي و ان كانت البي ام اكبر حجما و اعتقد ان تجهيزها بالتيربو كتجهيز اساسي يعني انها كاداء هتكون اقوي و بالمناسبة الموديل المعروض كان 535 و المحرك 3000 سي سي تيربو طبعا بقوة 300 حصان.
بعد كده اتجهت الي ال GT عشان اشوف الفرق و كان محمد باشا مخدش بالو منها و فوجئ بيها و اول حاجة عملها انه فتح الشنطة عشان يشوف الفرق لكن و يال المفاجئة لقيناها اصغر من الموديل السيدان و لما محمد باشا ابدي استغرابة قلتلة يبقي اكيد اوسع من الداخل و بالفعل كانت اوسع و في اعتقادي نفس وسع الفئة السابعة ذات قاعدة العجلات الصغيرة و ادي صورها