مقاطعة اللحمة
دعوة تنتشر بشدة لمقاطعة اللحمة لمدة شهر
مش مهم الشهر يبتدي أمتى
و لا ينتهي أمتى
المهم الهدف
الهدف طبعآ الضغط على المنتجين و الجزارين لخفض ثمنها
العملية هتبقى سياسة النفس الطويل
الشهر ممكن يبتدي دلوقتي
لكن ياريت ما ينتهيش لحد الأسعار ما تتغير
و الحمد لله في بدائل
الفراخ و السمك
و ما ننساش الفول
ألي أعرفه أنه فيه بروتينات ذي اللحمة تمام و الله أعلم
و الله أعتقد أنه من الإيجابية أن نساند هذه الدعوة
ده طبعآ لمن يقدر على شراؤها أصلآ
ربنا يعلم أنه في ناس كتير ما بيقدروش على تمن اللحمة بالذات بعد ما وصلت لأرقام جنونية ملهاش معنى أصلآ
الله أعلم ممكن ده ينفع ناس كتير
و بمناسبة العمل الجماعي
ياريت كلنا ندعي لبعضنا بالهديه
و ربنا يوفقنا جميعآ لما يحب و يرضى
و ربنا يكرهنا في المعاصي
آمين
|