[severeman]

المشاركة الأصلية كتبت بواسطة hazem_khidr تليفوني رن انهارده الصبح و كان رقم غريب و لما رديت و اتعرفت علي المتصل طلع الاستاذ احمد(SEVERMAN) طبعا المكامله اسعدتني كثيرا و فضلنا نتكلم مش اقل من ربع ساعه و حسيت اني اعرفه من زمان فعلا مصر موتورز بيحسس الاعضاء اننا جميعا اخوات و عائله واحده المهم اتكلمنا عن العربيه و الشغل اللي فيها لكن ليا ملاحظه نسيت اقولها و هي ان السقف ليه لسه عليه البويه و البرابيز الامامي و الخلفي راكبين تحت البرابيز لازم حيلاقي بارومه تتعمل و بعد ما يعملها يركب الزجاج تاني قبل ما تترش علشان لو السقف مش مطبع مع البرابيز يصلح اللي عمله و كمان بويه السقف من الافضل تتجرد علشان لو واخد معجون قبل كده و ربنا يبارك في العربيه و ان شاء الله تطلع زي ما انا راسمها في دماغي

حازم باشا خضر

"الارواح جنود مجنده من تعارف منها ائتلف ومن تنافر منها اختلف" صدق رسول الله

في واقع الامر الشعور متبادل , حقيقي لما اتكلمنا كأننا نعرف بعض من فتره طويله وده كان باين من طول الحديث

وفي الحقيقة انا كنت متابع مواضيعك ومشاركاتك من فتره وكلها مشاركات صح وكلها معلومات حقيقيه دون تزييف وطبعا ماسدقت لقيت موبيلك فاتصلت فوراً للتواصل المباشر ptmnlo123per122

وبجد يابخت المنتدى بيك

بالنسبة للبرابريز هو السمكري بالفعل فكه بعد ما اخدت الصور اللي فاتت دي بيومين ولقى برومه وعالجها
وبويه السقف هتنزل كلها لان فيها حته مرخيه شويه فلازم ينزل البويه ويعالجها وبالتالي عشان بتاع الدوكو يشتغل صح

ولو ليك اي نصيحه بالنسبة للسمكره ياريت تقولهالي لان العربيه هتتفنش سمكره يوم الاحد 28/3/2010

وحقيقي انا ممنون ليك ولكرم اخلاقك وزوقك الرفيع ياحازم باشا