[EGYCARS]

هو موضوع رائع و منظم بس أختلف في الرأي مع المقارنة
مين يقول ان النترا هي في النهاية اللي كاملة متكاملة و ست الكل؟
لا ... أنا أسف ... مش مقتنع!

ممكن أكون مش خبير و مركبتش السبعة كلهم ... ممكن أكون ماليش في السيارات أصلا بس أكيد أكيد يعني مش إلنترا و لا سيراتو و لا حتي كروز (دايو و لا شيفرولية) اللي يقفوا جمب سيفيك أو حتي مازدا 3 أو كرولا و في النهاية واحدة منهم تتفوق علي عمالقة زي هوندا و تويوتا و مازدا

ببساطة كلنا شايفين هوندا و مازدا و تويوتا من خمسين سنة و العربيات في الشارع و لا في مشكلة ... مع ان هيونداي اللي واكلة ربع السوق كلها مشاكل ... حد يجيب اكسيل أو أكسنت أو النترا بقالها عشر سنين كده و يقولي حالتها عاملة ازاي.

لا يا جماعه ... أنا مش مقتنع.

كمان عندي سؤال صغير ... هو مين أوتوجاز ده اللي يحط لانسر في المؤخرة ولا كرولا في الترتيب ده؟ ده أنا صعبان عليا أكتر السيفيك رغم انها التانية!