ابعد عن السيات ابيزا هى سيارة اكثر من رائعة لكن قطع الغيار غالية ومش موجودة كلها وفى اغلب الاحوال معظم اللى كان راكبها شباب يعنى متعرفش فيها اية ممكن تكون تعبانة كمان علاوة لو محركها 1000 يعنى كدة كملت لان محرك بالسعة دى وقديم تلاقية تعبان او قرب يتعب ومش تعرف تاخد منها اداء وبعدين انت امكانياتك كويسة ممكن تلاقى فيرنا لانوس او نوبيرا او بحاله جيدة موتور قوى تقدر تستمتع بالتكييف قطع غيار مرطرطة فى الشوارع بكل الانواع ممكن نفس القطعة تلاقى منها الصينى والكورى والمصرى ومش عارف اية وانت ما عليك الا انك تختار تقدر تعتمد عليها بس خلى بالك تاخد واحدة كانت ايجار يعنى لازم تتانى وشوية شوية فى الاسكندرية الاختيارات محدودة ممكن تنزل القاهرة وتختار وتشاور وربنا يوفقك ولك منى خالص الشكر والاحترام نسيت اقول كمان بيع السيات تقيل ومش مطلوبة ممكن فى بنات بتحبها وبس خلاص سلام ودمت بخير