المشاركة الأصلية كتبت بواسطة Dr. Bolbolan
ماشى يا عم حازم ولو انى ما بأحبش النوعيه دى من الآفلام ولم أراه على بعضه مره واحده !
ولكن هوه انتاج 1977 و بطولة جون ترافولتا فى دور تونى مارينو والبطوله النسائيه كانت
كارين لى هورنى فى دور ستيفانى ! والقصه عن شاب ( تونى ) 19 سنه يعيش فى بروكلين عيشه
هباب حيث كان يعمل فى متجر دهانات فى شغلانه بسيطه و دائم الشجار مع أبوه و يعانى من رخامة
أخوه ! فكان ينفس عن نفسه يوم السبت مساء بالرقص فى نادى ليلى ! ويوم السبت ده عند الخوجات
زى يوم الخميس عندنا ! المهم هوه كان رقاص درجه أوله ووسطه ملبن على أستك و اتعرف بفتاه
جميله ( ستيفانى ) بترقص برده و حاول أن يستميلها ! لكن هى كان عندها طموح أن تعبر كوبرى بروكلين
و تترك الفقر و تذهب الى مدينه أكبر ! وكان فيه مسابقة رقص فالاثنين اتحدوا و قطعوا نفسهم من الرقص
و كسبوا وبعدين تونى أخيرآ وافق على كلام حبيبته انهم يسيبوا بروكلين و يروحوا مدينه أكبر ! وكل الفيلم
يا باشا رقص فى رقص ! بس اللى مجننى انهم محسسينا ان بروكلين دى بولاق الدكرور ! ptmnlo123per1106
أرجو أن أكون أجبتك على سؤالك و شكرآ !
Dr. Bolbolan ptmnlo123per122
|
تمام يا دكتور
امال لو كنت شفت الفيلم كذا مره كنت قولت ايهptmnlo123per1106
بصراحه انا بحب الفيلم دا علشان اغاني فريق ال bee gees فقط
لان الفريق دا الوحيد اللي بسمع له
و دايما اغانيه معايا في العربيه
فلما شفت الفيلم و شفت ليهم اغنيه بدأت ابحث عن تاريخه
و عرفت انه كان مكسر الدنيا في السبعينات
لدرجه ان جات فتره كنت لازق علي زجاج الباب الخلفي ستيكر مكتوب عليه STP
زي اللي كان علي العربيه الامريكاني الكبيره اللي كانت ظاهره في الفيلم
