رد: السرعه و التسارع انا وصلت لاختراع مذهل
لك منى كل تقدير واحترام يا دكتور بلبولان و من طريقه كلامك فى البدايه حسيت انك رجل ظريف مرح و شخصيا اود ان القاق و نكون اصدقاء الكاميرا فعلا الريزيليوشن بتعها مهواش اد كده لكن انا تليفونى الاى فون اتسرق منى فى العجمى و انا على الشاطىء قبل التصوير بيوم و الكاميرا دى مش بتعتى لكن هى اللى كانت متوفره
اما عن طول الفيديو فانا اصريت ان الكاميرا متتقفلش علشان تكون كل حاجه واضحه بدون تحيز منى لكن انا بقول الى حصل و صورته بالفعل علشان لما حد يجى ميقولش انى بهول الدنيا
اما عن الكاوتش العريض هو الكاوتش الوجود فيها و انا حطه فيها اعرض لانى بنجرى بالعربيه سواء على المياه رمل و هو بيخدم بانه بيكلبش فى الارض و يدى اتزان عالى جدا لكن عيبه بانه بيستهلك بنزين كتير لكن فى المطبات روعه مش بتحس بدبدبه
اما تشغيلى للتكيف فانا قولت اعطى اقصى تحميل على الموتور لان المعروف ان التكييف بيأثر على استهلاك ازيد للبنزين و معروف انه بيسحب عافيه الموتور فلما تشغل التكييف و مع كاوتش عريض المعروف ان استهلاك البنزين يزيد بصوره كبيره لكن انا اثبت ان مع كل ذالك استهلاك البنزين وصل لمعدل كويس جدا و الكل مع عربيه يعرف كده كويس
ثم ان اى شركه بتقول استهلاك البنزين على طرق مستويه اختبارها بيكون عليها لكن انا اختبرت على طريق به كبارى كثيره يعنى حمل اكثر على الموتور يعنى لازم الاستهلاك يزيد
ثم استخدامى لبنزين 80 المعروف عنه انه مش بتاع جرى لكن انا ثبت عكس كده امام الجميع و المعروف عنه ان لما بتستخدمه فى اى عربيه فى جزء كبير منه مش بيستهلك يعنى استهلاك اكتر من بنزين 90 او 92 و المعروف انه بيخلى العربيه تسقف و تنتش و تقطع لكن انا ثبت عكس كده العربيه زى ما سيادتك شفتها ماشيه فى سلاسه
اما عن ان الغيار الخامس تمشى عليه لغايه 25 كيلو كسرعه و التكيف شغال و الكاوتش عريض انا معتقدش ان فى حد يقدر يعمل كده و اللى يقدر يورينى
اما عن الشحم و الظبط اللى انا كنت فيه فدا كان غصب عنى فانا كنت منهك و تعبان جدا و كان الميعاد اللى انا قولت عليه قد حان
فانا من النوع اللى احب التزم بكلمتى اللى قولتها
فمن الناحيه دى اعذرنى
اما عن ايدى فكان فيها سليكون اسود من نوع امريكى مش بيطلع منها الا بمرور الوقت ولا بنزين و لا اى ماده تقدر تشيله فهو شديد جدا
و ده النوع اللى بستخدمه فى تقفيل الموتور لانه ممتاز بمعنى الكلمه فكان مبهدل ايدى و رجلى و وشى
اما عن التسارع فانا اتحدى اى عربيه تحط بنزين 80 و تعمل 12 ثانيه بكاوتش اعرض من مقاسها و بتكييف شغال
اتحددددددددددددددى بجد و انا فى انتظار اللى يجى يقول اهو
توفير البنزين من 90 تمنه 175 قرش الى بنزين 80 تمنه 90 قرش فانا وفرت نصف الميزانيه يعنى لو بتحط ب600 جنيه بنزين فى الشهر
حتحط ب 300 جنيه مع وفر فى الاستهلاك 40% كمان
حتحط ب 180 جنيه بنزين
يعنى من 600 الى 180 جنيه كل دا يا دكتور و معملتش حاجه طب ازاى
علاوه ان جهد كومبريسور التكييف مش ماثر على عزم الموتور
بعد كل ده حيكون رايك ايه يا دكتور
و على فكره انا عندى حجز عربيات الحمد لله فى نظرى و نظر الناس اللى جاتلى ان فى تغيير و نجاح و الا مكنش حد جالى و عمل عربيته من اساسه ولا ايه رايك
اما نشرى للموضوع فى الموقع حبيت ان اخدم الشباب و الناس اللى بتعانى من استهلاك البنزين و اوفر ليهم مع اعطاء العربيه عزم و قوه جرى يستمتعوا بها
لكن انا مش محتاج شهره و لا مكسب مادى انا الحمد لله ربنا عطينى من وسع و الارزاق بايد الله
و لو انا كنت محتاج شهره كنت اظهرت نفسى فى الفيديو و على فكره انا اللى مصور مش حد تانى
و لو غاوى مكاسب ماديه و طمع فى الفلوس كنت عملت العربيه بسعر 5000 جنيه على الاقل
دا لما بيطلعو اى جهاز و يقولو انه بيوفر بنزين و كله ضحك على الدقون بيبلغو فى سعره و فى الاخر بيطلع جهاز فاشل
فى نقطه كمان الزحمه اللى موجوده فى اسكندريه و الجيزه و القاهره بقت شىء لايطاق لكن اتعودنا عليه بس بيخلى العربيه تنكها بيفضى بسرعه و الاستهلاك بيبقى رهيب فحبيت اعمل خدمه للناس مش اكتر ثم انا بعمل العربيه دلوقتى 2000 جنيه و ليست 1750 جنيه لان ده تمن التكاليف و قولت اعمل سعر خاص لاعضاء المنتدى اللى هو 1750 جنيه
انا بعرضى للفيديو الهدف منه بقول انا وصلت لايه لكن ليست الهدف منه ان اقول لازم تيجو عندى لا طبعا كل واحد فى مخ يعرف من خلاله مصلحته موجوده فين و يمشى وراها
و على العموم لو بتنزل تصيف فى اسكندريه تبقى اتصل بى لعلى نكون اصدقاء و نعمل اختراع جديد سوا
|