[ESL NSR]

المشاركة الأصلية كتبت بواسطة lol64 الف الف مبروك يازعيم وربنا يحفظهالك ومستنيين التقرير والصور ptmnlo123per154

الله يبارك فيك يا لول ... وإن شاء الله التقرير بالصور قريب ، قول يارب ...

المشاركة الأصلية كتبت بواسطة Elm3alem يا باشا الف مبروك بس ياريت تنجزنا باه و كفايه تشويق و تقول العربيه ايه المميز اللى فيها عن العاديه و ايه حوار ال USB ده لانه شكله مفيد شكرا

الله يبارك فيك يا باشا ... وأديني أنجزتكم أهو في أول مشاركة ليا بعدك أي خدمة ... والمميز فيها عن العادية قلته في ردي على الأستاذ محمد بدوي راجعه ... بالنسبة لحوار USB هي الوصلة الي بتيجي مع كاسيت العربية عشان تشغل عليها الي إنت عايزه من الموبايل ويطلع من سماعات العربية كأنه جاي من الكاسيت ، والوصلة عبارة عن فتحتين واحدة صغيرة تركب في الكاسيت نفسه والتانية الكبيرة بيركب فيها الوصلة USB الخاصة بالموبايل نفسه ...

المشاركة الأصلية كتبت بواسطة dr_eslam_66 ألف ألف ألف مبروك عليكي العربية الجديدة وربنا يديلك خيرها ويكفيك شرها إنشاءالله. المهم بقى أنا مهتم جدا بالتقرير الي هتعمله أو الي إنتا قولت إنك هتعمله وبعدين شكلك العربية خدتك وشغلتك عن التقرير. فعلا ياريت التقرير يكون مصور ووافي عن العربية وإيه هوا الفرق في السبورت عن العادي والتمن وانا آسف في حكاية التمن دي بس علشان أنا عايز أقارن بينها وبين الصني سوبر صالون أخبار الماتور والسحب إيه لو فيه حاجة مش مريحاك عايزيين نعرفها بالمرة. وهرجع أقولك ألف مبروك تاني ياباشا العربية الجديدة.

الله يبارك فيك ...
العربية ماخدتنيش ولا حاجة يا دكتور بس المشكلة والله في وقتي ضيق شوية زي ما قلت قبل كده ... بس إن شاء الله عشان خاطر الناس هنا وفضل المنتدى ده عليا بعد ربنا في اختياري للعربية أكيد لازم التقرير ينزل وفي أقرب وقت كمان بس دعواتكم ...

أما بالنسبة للفرق بين السبور والعادية راجع بس ردودي الي فاتت ...

وتمن النيو أكسنت سبور مانوال حسب موقع كونتاكت كار بـ 82400 "وبقول كده لإني اشتريتها لما كان عليها عرض بـ 80400" ، والأوتوماتيك منها مش فاكر كانت كام بس دلوقتي بـ 88400 ، وبالنسبة للنيو أكسنت العادية المانوال منها بـ 77900 والأوتوماتيك بـ 83900 والأسعار دي كمان من كونتاكت كار ...


بالنسبة للصني سوبر صالون أكيد عربية محترمة جداً وسوقها كويس بس شكلها مابيعجبنيش وهي تقفيل مصري ولو إن في ناس مابتعتبرهوش عيب وقطع غيارها غالية شوية ، بالنسبة لعربيتي موتورها معروف جبار وسحبها جامد ما شاء الله ، ولو إن المقارنة ظالمة بين الأكسنت والصني لإنهم عربيتين من فئتين مختلفين وهتبأة غالباً لمصلحة الصني لو مش هيفرق معاك كتير الشكل أو عاجبك وكمان لو مش هيفرق معاك قطع الغيار بس غير كده أنا شخصياً كنت فعلا بدأت أفكر أزود شوية وأجيب الصني بس فضلت في الآخر النيو أكسنت عنها لأسباب كتير منها شكل وآداء العربية الرياضي وكمان توافر قطع غيارها ومراكز صيانتها وموتورها القوي ومشاكلها تقريبا مافيش ...

المشاركة الأصلية كتبت بواسطة refoo الف مبروك ياباشا

الله يبارك فيك يا باشا