|
عملت صيانة ال5000 للM11
موش هطول معلش عشان مستعجل عندي شغل انا عملت صيانة ال 5000 ك بعد ظهور المفتاح الي قولتلكم عليه عملت الصيانة في نفس المكان الي عملت فيه صيانة 1000 ك في مركز صيانة أبوغالي في مصر الجديدة الي أتعمل بالظبط كشف عام علي العربية وطلبو مني اكون بشتكي من اي شيئ مثلا عشان يهتمو بالشكوي ويبحثوفي العربية عن المشكلة طبعا انا بكل خبث وقلة أصل وطبعا موش دي الحقيقة أشتكيت من العفشة ههههههههه ومن ان السرعة موش عجباني المهم خدو العربية وقعدت علي كافي شوب هناك استني وهما مسجلني عندهم من ساعة صيانة ال1000 ك لما بتصل حتي اسمي ورقمي وموديل العربية وكل شيئ بيظهر عندهم علي الكومبيوتر المهم روحت ضربت حجرين تفاح للامانة مع نسكافي ههههههههههههههه ومفيش حوالي ساعة مثلا ولاقيتهم بيتصلو بيا تعالي استلم العربية روحت هدفع كام يا جماعة قالولي العربية زي الفل بعد الكشف عليها وربطنا العفشة وظبطنا الكاوتش وهتحس بفرق كويس ان شاء الله طيب هدفع كام 80 جنيه دفعت 80 جنيه بالتمام والكمال استلمت العربية بقي محطوط علي الكرااسي فرش بلاستيك ودواسات كارتون في الأرض وجراب طارة بلاستيك يعني بمعني اصح بيقولولي بالنضافة دي احنا ملمسناش العربية وجه عامل مسحها وخلاها نضيفة أوي اديته الي في النصيب في الخباثة كدة ومشيت وطبعا المفتاح أختفا والعربية بصراحة موش عارف احدد هما عملو ايه بالظبط ولا ايه الفرق العربية زي مهي نفس القوة ونفس الثبات والعفشة تجنن وهي من الأول تجنن عالية عن الأرض وحنينة في المطبات علي فكرة صحيح انا من اول مشتريت العربية ودي نصيحة حلوة عملت الكاوتش نيتروجين يعني موش هوا وده مخلي الكاوتش ساقع دايما موش بيسخن وكمان موش بينقص ولابيزيد زي الهوا ولا الحمد لله فيه أخرام ومخلي الكاوتش عامل زي المللبن تحت العربية فمساعد العفشة يارب أكون مطولتش وفيدتكم في شيئ وألي اللقاء أمضاء عاشق أسبرانزا M11
|