رد: اللانسر و حقيقتها
يا جماعه وحدو الله مش كده
اولا يا باشا اللانسر ماركه ياباني بس في منها كتيييييييير جدا بيتصنع بره اليابان زي ما الشيفروليه أمريكي بس بتتصنع في كوريا والنيسان ياباني بس بعض الموديلات بتتصنع في أمريكا
طبعا تسويق اللانسر رهيب جدا يعني مثلا بنشوفها بره مصر كتييييير في دبي في المنامه في الدوحه بشوفها ومغرقه الدنيا هيا والتويوتا بعكس الفيرنا اللي مشوفتهاش غير في مصر ومره شوفت حاجه شبها في الدوحه
بس طبعا الكروز والسيراتو برضو منتشرين بره مصر وبنسب تقارب اللانسر . ده لو كان الاسلوب اللي بفكر في صحيح ان انتشار السياره بعيد عن المستخدم المصري بيعبر عن نجاحها علي أساس إننا كده محايدين لاننا بنتكلم دلوقتي عن كفاءه ومميزات وليس عن سياره مناسبه وعلي قد فلوسي والكلام اللي احنا عارفينو ده
طيب كده الفيرنا خارج المنافسه اتبقي اللانسر والسيراتو والكروز
أولا اللانسر:
1- ال1300 منها غير مرغوبه خالص وبتعتبر زي السيات عندنا لانها عربيه مبتسحبش خالص حتي الهنود مبيشتروهاش
2-ال1600 عربيه مرغوبه الي حد ما بس لا تنافس ولا تقارن بفئات زي التويوتا الكورولا 1600,1800 ممكن مثلا تقارنها بالسوزوكي الجديده أو السيراتو
ثانيا السيراتو :
سيارة غير مرغوبه ومع الاستخدام حاجات بتوقع منها وانتا ماشي ومالهاش سعر
ثالثا:الكروز:
عربيه محترمه جدا ومحدش أشتكي منها لحد دلوقتي بس طبعا الطلب عليها مش جامد اوي لان الشيفروليه اكتر حاجه مرغوبه فيها في الصالون هيا الكابرييس ودي طبعا لاتقارن باللي احنا بنتكلم فيه ده خالص
في عربيات تانيه هما اللي محتليين الصداره في الفئه دي والاعلي منها شويه وهما علي الترتيب
تويوتا كرولا ,نيسان تيدا,هوندا سيفك
الحاجه الاخيره اللي لازم نعرفها ان طبعا الاسعار وكون ان السوق مفتوح هيا اللي بتخللي اختيارات المستهلك أكتر
يعني مثلا لو معاك 100 ألف في مصر يا دوب يا دوب ممكن تتشعبط في ياباني واحتمال كمان لو كان طموحك عالي شويه تاخدها يوزد عشان موديل اعلي
أما هنا وفي الخليج عموما لو معاك 100 ألف هتركب أحلي عربيه تويوتا لاند كروزر وفي رينج روفر كمان من اول 90 ألف .
تقبلو مروري ومشاركتي وتحياتي للجميع وأتمني أكون قدرت اوضح الصوره ووجهة نظريptmnlo123per154
|