[AbOnOrA]

بصراحة يا شيتوس محدش يقدر يقولك اذا كان اختيارك موفق او لاء
لان ديه اذواق واختلافات فى الاحتياجات والاوليات بين الناس وبعضها وإلا كان كل الناس ركبت عربية واحدة وموديل واحد بس

فعلى سبيل المثال لو حضرتك موضح انك عايز عربية عملية لاسرة هنقول ان الافضلية للنيسان نظراً للاعتمادية وقوة الموتور وخبرة السنين ومواصفات الامان وراحة البال لتوفر قطع الغيار خارج وداخل التوكيل وسهولة الصيانة فى مكان

لو عايز عربية اكثر اقتصادية بشكل جديد وطابع رياضى بدون الاخلال بالعملية والمساحات الداخلية يبقى بروتون ساجا

لو عايز تصميم ايطالى متميز ومعندكش مشكلة فى اقتناء عربية صينى مع اعتبار ان توكيلها شعبى وليه مراكز خدمة كتير يبقى m11

وعلى نفس المنوال البرليانس تعتبر من افضل السيارات الصينى لكن هتفضل متعلق بالتوكيل فى الصيانة وقطع الغيار وهتعامل معاملة البى ام وان كنت شارى عربية اقتصادية طبعاً ديه قد تكون ميزة شكليه لبعض الناس وعيب وعباء اقتصادى لناس تانية

فانت حدد اولاً احتياجاتك واولوياتك علشان اختيارك يكون الاقرب والانسب لرغباتك وبالتالى يكون اختيار موفق