[POP EL GAMED]

المشاركة الأصلية كتبت بواسطة Gody :) والله كلامك مظبوط و100 100 يا بوب بس المشكلة ان فى واحد اعرفه معاه رينو ميجان وسألته على التوكيل والرينو عموما كعربية قفلنى منها وقاللى ان العربية يمكن تكون حلوة بس مش هنا ف مصر عشان توكيلها هنا مايعرفوش حاجات كتير فيها وكذا مرة يروح ويرجع بيها زى ماهى ... انا والله عارف كلامك دة كويس اوى وعارف ان الاوربى اكيد احسن بس انا اللى حاكمنى الثمن برضه ماينفعش اشطح لفوق اوى يعنى لو تخدمنى تقولى انت من وجهه نظرك يا بوب اية احسن وانضف عريية فى الفئة السعرية من 80 ل 85 كدة مثلا

احب اعرف حضرتك حاجه السيمبول مش معقده خالص وحاجتها فى التوكيل وانا عن نفسى متعاملتش مع التوكيل شخصيا بس اللى اعرفهم واتعاملوا مع التوكيل قالولى ان المعامله والمهندسين والفنيين كويسين هناك(والعهده على الراوى)
ولو فى الرينج اللى حضرتك بتتكلم عليه اعتقد ان السيمبول انسب عربيه
الا لو كان ميفرقش معاك التميز فى الشكل لكن يفرق معاك الوسع الداخلى يبقى خليك فى لوجان فول اوبشن وتبقى وفرت مبلغ كويس والعربيه اللوجان كويسه ومريحه
ولو مش عايز رينو ممكن تضغط على نسفك حاجه بسيطه وتجيب نيسان صنى العربيه دى كويسه جدا عن تجربه واحده مصرى موديل 2008 وواحده خليجى 2007 بس الخليجى كانت احسن وربنا يوفقك يا باشا