المشاركة الأصلية كتبت بواسطة حسين122
ألف مبروك
و سامحني للتأخير
بس كان لي ملاحظه
أنا أشتريت عربيه لانسر 1600 من الوكيل شركة مصريه في شهر فبرايرسنة2008 سبورت فول أوبشن
لكن لما أستلمتها منهم قالولي سوق براحتك
سألت عن السرعه قالوا ذي ما تحب
طيب و التكييف قالولي عادي شغله
بصراحه مرحمتهاش و محصلش حاجه
لأن أن شغلي كله سفر
و من أول يوم و محصلش حاجه
طيب ليه دلوقتي في ناس بتقول أمشي على تمنين و متشغلش التكييف
هوه في تعديل حصل في التعليمات و لا دي تعليمات خاصه بماركات تانيه
لأن المفروض العربيات دي متلينه في بلدها قبل ما تخرج م المصنع
و ضمان ال1000 كيلو بس نوع من الإطمانان
و معروف أنه اللانسر بتحتاج لتربيط عفشه كل فترة و ده كلام المهندسين في التوكيل
و شكرآ
|
شكرا ً اخى حسين
وموضوع التلين انا سألت علية واكدت خصوصا ً انى بمجرد استلام العربية سافرت بها 800 كم ( مكان اقامتى )
واتقلى برضو نفس الكلام السرعة اخرها 80 كم / س اول 1000 كم ومتشغلش التكيف ( لكنى جربتة قبل الاستلام )
ونفس الكلام برضو اتقلى سنة 2001 لما استلمت الاكسنت وانا من ناحيتى التزمت بالكلام حرفيا ً ومحملتش عالعربية
الا بعد الالف كيلو وبعد تغيير الزيت والفلتر وان كنت فعلا ً سمعت ان العربيات الميتسوبيشى والتويوتا - بتلين فالشركة -
لكن المكتوب بدليل المالك ( كتيب السيارة ) انة يفضل فى اول 1000 كم الا يتجاوز عداد RBM بـ 3000 لفة وكذلك
يفضل عدم تشغيل التكيف فترات طويلة وعدم تحميل السيارة بالحمولة القصوى وعدم جر اى مركبة اخرى .........الخ
وكل هذة تعليمات للحافظ على الموتور فى فترات تشغيلة الاولى وان كنت ارى سيارات بدون لوحات ( زيرو ) عالطريق
اثناء سفرى سرعاتها تتجاوز 160 كم / س لكنى افضل الالتزام بالتعليمات
وموضوع تربيط العفشة انا لسة مجربتوش بس ان شاء الله هألتزم بالصيانة
الدورية كل 5000 كم لانى حاسس ان العربية ناشفة فالمطبات شوية