رد: لماذا الشعب المصرى غير مهتم بسيارة اودى
العربية الاودى من اكتر العربيات المحترمة مش فى المانيا بس لا فى العالم وكمان تعتبر افضل من المرسيدس والبى ام بس لو فرضنا ان 20 % من المصريين مقتدرين ماديا ويقدرو يشتروا اودى كام واحد منهم يعرف اودى فى مصر ولو فرضنا ان العشرين فى الميه منهم كام معلم ومقاول وبتاع سمك يعنى اقصى حلمه مرسيدس وماسمعيش عن الاودى كل اللى فى دماغة ان اللى معاه فلوس بيركب مرسيدس
ولما تكون عربية اتنسيت فى مصر من الثمانينات والوكيل قتلها بمعنى الكلمة يبقى اشتريها وهى توازى او اغلى من المرسيدس ليه
وبتطبيق الكلام على السوق المصرى الهيونداى اكتر عربية بياعة فى مصر مش عشان هى احسن علربية فى الدنيا لا عشان وكيلها موجود وحاسيين بيه بيتطور ويتوسع عملها دعاية واقنع المصريين بيها الناس اشتريتها تجار قطع الغيار اتجراو واشتروا قطع الغيار من بره الميكانيكية اتعلمو شغلها فبقت مطلوبة فسعر اعادة بيعها مقبول جدا جدا
وسامح باشا جاب سيرة الانشيا عربية تحفة قوية وفى رائ تنتمى لفئة السوبر كارز بس مش موجودة فى مصر وده مش عيب العربية
فالاودى عاوزة وكيل موثوق فيه يرجع ثقة المصريين فيها وحتبيع
|