[hazem_khidr]

بصراحه المقابله كانت فوق الممتازه
و الواحد شاف ناس كتير كان نفسه يتعرف عليهم من زمان
و كمان ناس الواحد بقاله كتير ا شفهاش و كان سعيد جدا بوجودهم
مش عاوز انسي حد بس حتكلم باختصار
انا وصلت علي الساعه خمسه و نص و كان بعض الاعضاء موجودين
و كان وائل مجدي علي تليفون معايا طول السكه لاني مكنتش اعرف مكان المقابله بالضبط فين
و وصلت و سلمت عليه و بعدين دخلت و كان هناك بعض الاعضاء
اخص بالذكر الاستاذ صلاح عبد النبي اخويا و صديقي و اللي كان
نفسي اشوفه من زمان و لم تشأ الظروف ان نلتقي الا في المقابله
و كان هناك شاب يافع في مقتبل العمر اول ما شفته قولت انه برو مادا و قد كان
و لقيت ثنائي قاعد في الجنب و ماسك البلاي ستيشن
و كان المهندس احمد كامل و المهندس سومو
بس بصراحه سومو كان متوتور و عمال يخسر و مش عارف يكسب ولا ماتش
و كان الدكتور بولبولان موجود و استمتعت بحديثه الشيق و بخبراته
و بعد فتره بدأت الاعضاء تتوافد و كم اسعدني لقاء احمد علاوي و كان بقالي فتره
طويله ماشوفتوش الا اني كنت دايما متابع اخباره و بنتكلم
و شويه و انا ببص ناحيه الباب
ببص و لقيت نجم المقابله و اللي مكنتش اعرف انه جاي انهارده
شفت الباشمهندس شريف شاكر(sabuhashim) و بصراحه الراجل رغم دور البرد
و الصداع الا انه لم يتأخر عن الحضور و المشاركه
بصراحه كنت سعيد جدا جدا لما شفته و سلمت عليه لاني بقالي فتره طويله ما شوفتوش
و بعد فتره قصيره حضر الساموراي احمد بك انور سفيرنا في الصين
و بعده شفنا تيفا او نور بيجو و شويه شباب بيفكروا الواحد بشبابه
من حيث الشغف و حب السيارات
و شويه و لقينا داخل ايمن باشا عبد الرازق بخفه ظله المعهوده
مما اثار جو من المرح و البهجه علي جميع الحضور
و استمرت السهره من الساعه الخامسه الي الساعه الثانيه صباحا!!!!!
9 ساعات متواصلين بدون ملل و ماشيين لما الكافيه شطب
بصراحه ماشيين بالقوه و لو الجو مكنش برد كان زمان معظمنا كمل السهره في مكان تاني
و دا كل اللي حصل
فيه اسماء كتير لم اذكرها عذرا لاصحابها
و بصراحه القاعده كانت ناقصه الباشمهندس سامح رمزي(sam ram)
و بجد بجد اللي ماجاش فاته كتيـــــــــــــــــــر