الله علي الاعضاء الجميله و الرزينه و المتزنه
فعلا كل كلامكم تستاهلوا عليه ميت شكر
انا و انا بقرأ القصه حطيت نفسي مكانك بالضبط
لقيت نفسي حتصرف نفس التصرف رغم اني عصبي ومش بطيق كلمه
خصوصا لما الاقي حد غلطان فيا و بيشتم
لكن كل موقف و ليه ظروفه
انا لو معايا مراتي او والدتي او اي واحده مش ححط نفسي في مشاكل
لو معايا مريض او ما شابه ذلك برضه مش ححط نفسي في مشاكل
لو لوحدي بقي و شايف انه قليل الادب حعرف اتصرف معاه و ابهدله
و حديله من المنقي خيار
لو لقيت نفسي جسمانيا مش قده و حيغلبني او يبهدلني
يبقي امشي وراه و ازنق عليه و اخبطه في رصيه او استفزه و يجري ورايا
لحد اول كمين شرطه او اول قسم اوقفه و هناك حعرفه اصله و فصله و اعلمه الادب
اللي عمره ما شافه.
بس برضه صاحبك غلطان
يعني مركب شرايح و قاعد ما بيتحركش ليه يدعي عليه بصوت عالي نفسي افهم؟؟!!!!!!
بيفكرني بالراجل بتاع مسرحيه الهمجي اللي كان بيقول ما تقدرش
المفروض صاحبك كان يقوله انا تعبان و هو دخل يجيب ليا دوا من الصيدليه و جاي
طالما شايفه عامل زي الثور كده
لكن اللي حصل حصل و دايما حاول ما تحتكش بالناس لان الناس بقت وحشه
اقفل عليك عربيتك و بقدر الامكان ما تكلمش حد شكله غلط كده