[salahabdelnabi]

dreamer lover عايز اقولك انك اتصرفت صح فى حدود ظروف الموقف اللى اتحطيت فيه حفاظا على حياة صديقك لظروفه المرضيه وده الاهم طبعا ثم حفاظا على نفسك وسيارتك
واذا كنت متخيل ان كرامتك اتهانت او اتبهدلت بسبب الالفاظ اللى اتعرضتلها من الشخص ده تبقى غلطان
لانك فى اللحظة دى كنت عند الله اكرم واتقى ومايهمكش نظرة الناس ليك لانهم للاسف ..... والا بلاش

لكن عايز اقولك على نصيحة كان جدى وابويا الله يرحمهم دايما بيرددوها ( فيه ناس زاى الزرع لازم تتسبخ علشان ترعرع )
ولو الموقف اللى انت كنت فيه ده ظروفه المحيطة بيك مختلفة
اكيد رد فعلك كان هايختلف وكان الشخص ده عرف حجمه الحقيقى

انا بقولك كده لانى حصلى موقف مشابه مرة كانت مراتى حامل معايا فى العربية وطبعا مارديتش اتنرفز واعمل خناقة عشان احافظ عليها وعلى كرامتى وكرامتها امام نفسنا الاول ثم امام الناس اللى كانو واقفين وللاسف كان منهم الاصدقاء والمعارف وماحدش منهم اتدخل رغم ان الراجل كان هو اللى غلطان واللى ابتدا بالشتيمة
لكن الموقف اتكرر مرة تانية وكنت لوحدى ومع واحد فاكر نفسه من طينة غير طينتنا .... كل اللى اقدر اقولهولك ان الناس كانت بتحاول تخلصه من ايدى قبل مايموت من الضرب اللى خده مع العلم انه هو برضه اللى كان غلطان وهو اللى برضه ابتدا بالشتيمة لكن المرة دى ماسيبتش حقى وخدته بدراعى وهو ماقدرش حتى يطلب النجدة او يعمل محضر

للاسف الدنيا بقت غابة والبقاء فيها للاقوى والظروف احيانا بتحكمنا فى تصرفتنا

فخليك محترم مع المحترم ....... وبرضه خليك محترم مع الغير محترم ولكن لحد معين

ولو مارتجعش يبقى لازم يشوف منك الوش التانى على طول

ساعتها هاتعرف تعيش فى البلد دى ........ الى ان يقضى الله امرا كان مفعولا