[kj1]

المشاركة الأصلية كتبت بواسطة kj1 يا باشا ظباط الجيش والشرطة واكلين البلد والعة ومين تانى؟؟ والقضاة طبعا ومين تانى؟ مفيش الباقى غلابة... ثم يرد هنا عامل بسيط.... ازاى بس.. والمهندسين يا باشا... احنا بنشتغل ونتعب والمهندسين يهبشوا ومين تانى ؟؟ ثم يرد مريض ... والدكاترة يا باشا... شوف الكشف بقى بكام ووقته قد ايه ؟؟ ومين تانى؟؟ ثم يرد اخر .. والمدرسين يا باشا ... الحصة بالشيئ الفلانى ودروس رايحة وجاية ومين تانى ؟؟ ثم يرد اخر ... المحامين يا باشا... الجلسة بياخد فيها مبلغ عشان يحضرها ومين تانى ؟؟ يرد هنا اخر... بتوع الكهرباء والبترول يا باشا... حوافز وبدلات قد كده ومين تانى.؟ ثم يرد هنا موظف راجع من شغله.... وسوافين الميكروباص يا باشا.......دووول حرامية بجد... الاجرة اللى بجنيه بياخدها 2 جنيه ومين تانى؟؟ ثم يرد هنا شخص.... الجزارين طبعا... بص بيبعوا اللحمة بكام وعندهم فلوس قد ايه...كيلو اللحمة وصل 100 جنيه ومين تانى؟؟ الطيارين يا باشا....دووول بياخدوا فى الرحلة الواحدة شيئ وشويات ومش عاجبهم ومين تانى ؟؟ لاعيبة الكورة يا باشا.... العقد بقى بملايين دلوقتى ومين تانى؟؟ بتوع المقاولات يا باشا.... الحاجة ام 10 بياخدوا 100 واهو شغل ومين تانى؟؟ اللى شغالين فى بنوك يا باشا....فلوسهم رز ومين تانى؟؟ اصحاب القهاوى والكافيهات....ده الشاى ب 5 جنيه والمانجة ب 20 وحجر الشيشة شوف بكام ومين تانى؟؟ بتوع العصاير يا باشا....القصب ب 3 جنيه ومين تانى؟؟ سواقين اللورى يا باشا والتريلات ... شوف الطلعة بكان عشان يشيلوا بضاعة ومين تانى؟؟ الزبالين يا باشا.... دووول كلهم مليونيرات اصلا ومين تانى؟؟ الشحاتين طبعا... الواحدة من دووول العيل على كتفها وبتسرح بيه طول النهار وترجع بالف جنيه فى اليوم حد تانى!!!!!!! انا مش حكمل بس حقول حاجة.... كل واحد فيكم شايف ان التانى هو اللى بياخد وميستحقش وانه الوحيد اللى يستحق منقووووووووول

تاخد كام في الشهر وامك واختك وابوك ومراتك وعيالك يشوفو دمك علي البلاط كده .
منقوووووووووول