[kj1]

الحياة اختيارات و انا اخترت مصر
نشوى الحوفي
كل تنمية ولها تمن ..كل نهضة وليها مقابل..... عايز تبني مصانع بتروكيماويات وتبطين انفاق و محطات كهربا و3500 كيلزمتر طرق و4 انفاق من مدن القناة لسينا وتعمر مليون ونص فدان و تعمل 800 الف وحدة اسكان اجتماعي و 150 الف وحدة اسكان لنقل سكان المناطق الخطيرة وتحفر قناة موازية للقناة بطول 72 كم و تشغل مليون واحد و1000 شركة قطاع خاص في مشاريع التعمير و تحل مشكلة العيش وتمشي في توفير علاج فيروس سي ... وترفع المرتبات من 90 مليار جنيه ل 200 مليار جنيه وتقاوم ارهاب وتسلح جيش بشكل ما حصلش من اياام محمد علي ...عايز تعمل كل ده والاسعار ما تغلاش؟ عايز تعمل كل ده و ما تبدأش ترفع شرايح الدعم؟ والفساد ما يهاجمكش ويضرب فيك؟ و الاستعمار اللي قسم بلاد حواليك ما يكونش ضدك؟ وتجار الدنيا والدين ما يشتغلوش عليك؟ طيب ازاي؟ ما فيش حاجة اسمها أحنا والدولة ... فيه حاجة اسمها احنا الدولة ...وانا واللي زيي قلناها وحسمناها يا مصر يا الشهادة...قلت لك الحياة اختيارات وانا اخترت مصر...