رد: استهلاك البنزين عندى عالى
بص يا باشا اولاً قياس الاستهلاك ميتمش من مره واحدة عايز مرتين تلاته تقيسها بنفس الطريقة علشان تتاكد من متوسط الاستهلاك قد ايه
كمان ملو البنزين ع الاخر لحد الزور بيهدر اقله لترين تلاته من البخر العالى ، وتاخد بالك من الحاجات ديه
- مستوى الهواء فى الاطارات وحالتها
- معدل تحميل الوزن فى العربيه مركب كام نفر حاطط حاجات فى الشنطه قد ايه
- مشغل تكييف ولا لاء
- طريقة السواقة بتشد وتحرق على الغيارات ماشى على سرعات قد ايه العربيه اصلا مانيوال ولا اتو
- جودة البنزين خاصة ان 80 ده جودته بتبقى سيئه فى الغالب
ولو كل ده تمام ولسه عندنا مشكلة فى الاستهلاك يبقى حاجة من الاتنين
- فيه تسريب فى دورة البنزين فى اى جزء من اول التانك لحاد الانجكشن
- فيه مشكلة فى المكنة نفسها سواء فى الخلط او فى الحرق
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|