رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
السلام عليكم
جبت عربية ماتريكس 2005 اتوماتيك من اسبوعين ماشية 112000 بس مالكها مكنش بيغير زيت الفتيس الاوتوماتيك خالص. غيرت الزيت ب 3 لتر زيت موبيل 320 و طلع الزيت القديم وسخ شوية بدون رايش على حسب كلام الميكانيكي اللي غيره و كان لونه احمر غامق. المهم بجرب العربية لقيت صوتها عالي شوية بس بتنقل الغيارات على ار بي ام 3. تاني يوم الصبح جبت بيها 110 على ار بي ام 3 بس لاحظت انها لما تكون باردة و انقل على ال D تطلع على طول طلعة عفية كده لكن لما تسخن تطلع متاخر ثانيتين كده و احس بنتشة و هي طالعة. مشيت عليها يومين كده و بقت حتى و هي باردة تطلع متاخرة و بنتشة بسيطة ( قصدي بنتشة هنا يعني تحس انها مكتومة شوية و هيا بتطلع بس بدون رجة) و كمان لو الدنيا زحمة و وقفة و هي لسه على ال D لما اسيب الفرامل ساعات تطلع بنطرة بسيطة قوي لقدام كده بدون ما ادوس بنزين (بتعملها اربع خمس مرات كده في طريق زحمة ساعة).
فانا محتار دلوقتي المشكلة فين؟ ناس قالتلي في زيت الفتيس نزله و هات atf sp3 بتاع هيونداي و ده مش لاقيه في غبور نفسه و توكيل ميتشوبيسي اللي عنده نفس النوع مش بيبيع. و ناس بتقولي ملهاش علاقة بالزيت (و بيشوفوا الزيت و يقولولي كويس) مع العلم اني غيرت كل السيور و البوجيهات و نطفت الرشاشات (كانت وسخة جدا) و البوابة و حساسات اللي داخلة على عقل الفتيس و كان واحد قالي ممكن حساس البوابة عاوز يتغير خصوصا انها كانت ساعات الصبح تطلع دخنة سودة شوية و تظبط باقي اليوم.
و لقيت امبارح العربية سخنة لما رجعت من مشوار نص ساعة مع ان مؤشر الحرارة في النص عادي خالص و متحركشي بس لقيت الكبوت كله سخن لدرجة ان اللي جنب العربية حس بيها بدون ما يلمسها
|