[محمد فاوى]

ذهبت لعمل الصيانة الدورية لسيارتى الباراتى ، وطلب منى الميكانيكى (البوابه وحساس ال TPS) ذهبت الى محل الحرميين بالحرفيين وصاحبة النصاب (( مدحت ظاظا )) والذى يضيف اسعار مضاعفة للقيمة الحقيقية لقطع الغيار ، فقد اخبرنى بأن البوابة ب 700 جنية وحساس ال TPS ب 900 جنية ، ولما اخذت منه البوابه اتفقت معه على ارجاعها ان لم يكن العيب بها فوافق وقال لى رجعها بس بكره ، وبالفعل اتضح ان العيب ليس منها فرجعت الحرفيين ، فصدمنى برده قائلا (البوابه دى مش بتاعتى) فأقسمت له وأكدت بانها هى هى ، فقال لى لن اخذها وهو يعلم جيدا بانها لم تتبدل ، المهم فاوضنى على امرين إما اخذ البوابة بسعر 600 جنية او حساس ال TPS ب 900 جنية ، فحاولت معه مرارا وتكرارا فرفض استرجاع البوابة الا بشرط شراء اى شئ اخر ، فقلت له حسبى الله ونعم الوكيل فيك واخذت البوابة بال 600 جنية ، ثم سألت فى محلات اخرى بجوارة مباشرة ومنهم محل شيكو (المحترم) فقال لى ان سعر البوابة 400 جنية والحساس ب 300 جنية وبالفعل اخذت الحساس والعربية ظبطت تمام ، اللى عايز اقولة ان الحرفيين فيها نصابين كتير قوى ومش بيتقوا ربنا ، وانا مش عايز اللى حصل معايا يحصل مع اى حد تانى ، عشان كده انا كنت مضطر احذركم من ظاظا النصاب صاحب محل الحرمين لانه نصب عليا وظلمنى ، وانا عرفت الكلام ده واتاكدت منه لما سألت علية فى الحرفيين ... خدوا بالكم.