[kj1]

الجماعة نشطاء السبوبة إياهم عملوا كل حاجة حاولوا يصوروا للناس إنهم ضدها.. و عملوا كل حاجة سخروا منها...
- قالوا: "السادات اتصالح الإرهابيين و خرّج الإخوان من ال...سجون".. و رجعوا يعيطوا علي الإخوان و يقولك تعالوا دول فسيل وتني وياللا نصالحهم..
.
- قالوا: "عبد الناصر خرب بيوت الناس بالتأميم و القطاع العام دا فشل و إلخ إلخ".. و بعدين قعدوا يعيطوا عشان الخصخصة.. و يطبلوا لخالد علي و هو بيرفع قضايا يرجع الشركات للقطاع العام...
.
- سمعنا منهم: "مبارك عميل لأمريكا".. و مشفناش منهم إلا كل محلسة و نفاق و تمسح في الأحذية الأمريكية.. و سفر و مؤتمرات و تمويل أمريكي..
.
- قعدوا يسمعولنا اسطوانات: "الفقرا و الغلابة و المهمشين".. ووقت الجد وقفوا ضد الفقرا و الغلابة و المهمشين و شتموهم و أيدوا إغلاق المستشفيات المجانية في وشهم.. لصالح المستشفيات الخاصة أصحاب الملايين..
.
- قالوا : "انتوا بتطبلوا للجيش المصري.. مطبلاتية و عبيد بيادة".. و راحوا هم يطبلوا للجيش الأمريكي و الإسرائيلي التركي و ميليشيات الإرهاب اللي مسميه نفسها جيوش..
.
- اتفرج على النشطاء و هما بينتقدوا بوتين و بيشتموه.. و حاول - بشكل ما - تتفهم إن اللي مش عاجبه بوتين دا كان بيدعم في وقت ما "أبو إسماعيل" و بيعصر علي نفسه و علينا ليمون عشان يجيبلنا"مرسي العياط".. بقيادة أيقونة ثورية بتقول "يالهوي يا كبير"...!
.
- و في الآخر بقى: "جيوليو اتقتل زينا".. مش "زي اخواتنا" و اللا "زي اصحابنا".. على فرض ان حد قتلهم و اللا عبرهم أساسا.. لأ "اتقتل زينا".. و بكده دخلت مجموعة نشطاء المجاذيب في مرحلة "أنا قتلت و اتقتلت".. اللي استلمونا بيها تنكيت سنتين تلاتة...
.
الصراحة الحياة من غير نشطاء سبوبة و إخوان تركبهم.. حياة لا تطاق.. و مش حتلاقي أي حاجة كوميدية تضحك عليها.. حاتبقي حياة جافة مملة...
مش فاضل غير كل واحد منهم يحلق كابوريا و يلبس بدلة مخبرين سودا و كسرولة في دماغه و يهتف: عاشت كوريا الشمالية...
منقووووووووول