رد: العبيط والمفتّح والحدق
تابع
___
ذهب الحدق للمفتح وهو فى قمة الغيظ والحنق00
وكان المفتح يتوقع زيارة الحدق لرد الكلب وإسترداد ماله فهو يعرف طبعه وكيف أن أحدا لم يستطع الإحتيال عليه بالرغم من أنه يحتال على الجميع!!
ما ساعده على نجاح حيله مع الحدق أن الحدق لم يتصور أن يقوم المفتح بحيلة ماكرة كهذه ولم يكن يتخيل أنه يوجد من هو أمكر وأمهر منه!
دخل على المفتح :
-إزاى تعمل معايا كده؟
تظاهر بالبراءة وقال كأنه مندهش:
-خير حصل إيه؟
قال بإنفعال:
- تبيع لى كلب على أنه بيفهم ويطلع حمار مبيفهش حاجة
-إزاى الكلام ده يا راجل00
يمكن عشان مش متعود عليك!!
-لا00شوف أنا ماكلش من الأونطة دى
كلبك عندك وأنا عايز فلوسى
قال مبتسما وبهدوء:
- إنت تأمر يا حدق
بس نشرب الشاى الأول
-أنا عاوزهم دلوقتى
-صبرك بالله 00عبال ما تشرب الشاى يكون الحمار جاب اللى فيه النصيب
قال الحدق منزعجا:
-أنت بتسخر منى
-أبدا والله00 كلها كام دقيقة والحمار يجبهم
قال محتدا:
-إنت مفكرنى أهبل ولا مجنون
مال الحمار ومال الفلوس
-شوف يا حدق أنا ح أقول لك على سر
أنا ففوجئت من كام يوم كده أن الحمار بينزل كل يوم فلوس 00لا مؤاخذه لما بيعملها
-لا ده أنت زودتها قوى
-بص تعالى معايا للزريبة وأنت تشوف بنفسك
وذهبا للزريبة والحدق ينظر إلى الحمار فى تعجب وإنكار
مضت اللحظات والحدق يترقب:
-يعنى مفيش حاجة
-أصبر لحد ما يعملها
وبعد دقائق إذ بالحمار يتبرز عملات معدنية تسقط على الأرض بغزارة والحدق يكاد يسقط من الدهشة!!!
قال المفتح بسعادة:
-شوف رزقك ربك واسع إزاى
إنت تاخد دول دلوقتى وبعدين كل يوم أجيب لك اللى فيه النصيب
-لا 00أنا قتيل الحمار ده
قال المفتح مستنكرا:
-لا00إزاى الكلام ده
لا يمكن00ده رزقى ورزق واسع افرط فيه إزاى
عرض علي المفتح مبلغ فرفض 00
زاد المبلغ فرفض بإصرار!!
وأستمر العرض والرفض إلا أن وافق المفتح وقبض ثمنا باهظا وباع الحمار للحدق
مضى الحدق بالحمار وهو فى قمة سعادته ونشوته وهو يقبض على كنزة الثمين00
مضى زاهيا بنفسه والمفتح قد خدعه عندما أطعم الحمار عملات معدنية00
ثم أعطى الحمارشربة قوية فنزل غائطه مخلوطا بهذه العملات
تتبع
__________________
|