جزاك الله عن الحاضرين والسائلين خير الجزاء .. اسمحلي ازعجك بمشكلتي اتمنى تديني فيها الجواب الشافي عشان سالت كتير وتعبت بصراحة من الاجابات وخاصة من بعض مراكز الصيانة والمشكلة مضايقانى نفسياً من العربية بالرغم من انها عربية ممتازة فى المواصفات، ببساطة انا معايه اسكودا A5 2007 اوتوماتيك مستعملة عاملة تقريبا 80الف كيلو لسه عامل صيانة سيور وزيوت من 4 شهور
المشكلة باختصار ان والسيارة برده بحس نتشة ملحوظة بتظهر بين الاول والتاني وبتخف بين التانى والتالت وبتظهر قوي لما اقرص على البنزين شويه أو على المطبات انما لو بدوس بالراحة خالص متظهرش والغيارات بتنتقل عادي مفهاش مشكلة وبتبقى النتشة ضعيفة جداً بعد العربية ما بتسخن وتوصل درجة الحرارة 90 بالاضافة ان بيصحب ده صوت ونة مع حركة الغيارات بتروح بمجرد العربية ماتوصل للغيار للتالت وبتكون واضحة قوي بالتدريج على السرعات الاولانية .. فقولي حضرتك ايه علاج القصة دي مع العلم بانى غيرت زيت الفتيس والفلتر وما زالت المشكلة موجودة... معذرة للإطالة
واشكرك جزيل الشكر