عملت عمرة ومفيش فايدة
كل سنة وانتم طيبين ويارب يعيد علينا الأيام بخير
عندي مشكلة حيرتني باختصار
عربيتي كانت بتغيب في الدوارة الصبح
بتغيب وتغلبني جدا وأحاول اظبط قد كده وأدور لحد ما تدور
وبعدين لما تدور تخرج عادم أسوم شوية
والموضوع اتطور شوية والبوجيات جابت زيت
عزمت النية وروحت للميكانيكي
قاللي عمرة على طول
عملت العمرة وتمام التمام
واخدتها من عند الميكانيكي وبقيت مبسوط من الصوت الهادي اللي تقريبا مش سامعه
ومشيت بيها يوم زي الفل
تاني يوم أدور مفيش وكأنها رجعت زي الأول
أبص على كل شيء كله تمام
أبص على البوجيهات ألاقيها مسودة
أبص على الزيت شفااااااااااااااف جدا يعني الموتور كويس
روحت للميكانيكي شاف كله وبص على التاكيهات والكرابراتير وقالي كله هيبقى تمام أصل الهوا بتاع الكاربراتير كان مقفول
ومشيت من عنده زي الفل
وتاني يوم الصبح مفيش وأنها رجعت زي الأول
طلعت البوجيهات ونظفتها وحطيتها اشتغلت
أعمل أيه وأروح لمين والمشكلة فين
ياريت اللي عنده رأي يقدر يشاركني فيه يساعدني
__________________
مع تحياتي المــــــفــــــــكــــــ ر اللهم أرنا الحق حقا وارزقنا اتباعه
وأرنا الباطل باطلا ووفقنا لاجتنابه
|