يعني ايه العربيه فيها عوامل امان ؟
نبدأ بقي
بسم الله الرحمن الرحيم
دلوقتي القانون التاني لنيوتن
بيقول ايه
كل فعل له رد فعل مساوي له في المقدار و مضاد له في الاتجاه
هشرحلكوا معني القانون ده
شخص ما بيجري بالعربيه و قام فجأه مفرمل ايه اللي هيحصل ؟
هيتلاقي نفسه بياخد الدريكسيون بالحضن
طب ليه ؟
ما هو الفعل اني حاول يوقف العربيه
و رد الفعل انه حضن الدريكسيون
( رد فعل في الاتجاه المعاكس )
يبقي لو هو رابط حزام الامان
مش هياخد الدريكسيون بالحضن
طب فين بقي رد الفعل ؟
رد الفعل في جسمه هو
ممكن تتلاقي عضمه الفخد بتاعته انفصلت عن الحوض
و يحصل بعض الشر شلل نصفي اول كلي
الله اعلم
و الكلام ده انا اخده من ناس دكاتره
يبقي كده بلاش من حزام الامان
طب لو مفيش حزام
الدريكسيون هيخش في صدره
و ممكن ضلوعه تتكسر
و يحصل نزيف داخلي
نتيجه ان ضلوعه دخلت في الرئه بتاعته
يعني بحزام من غير حزام
الفرامل القويه هتأذيه
طب في ناس هتقول
فين الايرباج ؟
طبعا معظم العربيات في مصر مفيهاش ايرباج
الا في العربيات اللي فوق ال 100000 جنيه
و طبعا العربيات دي بيركبها فئه قليله من الشعب
الشعب بيركب عربيات مفيهاش ايرباج و لا فرامل abs
و طبعا هرجع و اقول ان الايرباج
بتمتص جزء كبير من رده الفعل عند التصادم
و افضل من حزام الامان
و لكن زي ماقولنا مش متوافره في معظم العربيات
طب ال abs ?
ال abs مش الفرامل اللي بتخترع المعجزات
و بتوقف العربيه في ثانيه
ال abs فايدتها بتظهر عند السرعات العاليه
لانها بتخلي العربيه تقف
من غير ما تتطوح من اللي سايقها
لكن في السرعات البطيئه
زيها زي الفرامل العاديه
و دي وجهه نظري
اللي انا مقتنع بيها
و ده ميمنعش ان في عربيات
فراملها ادائها مش كويس خااااااااااااالص
بدون ذكر انواع
نرجع لموضوعنا يعني ايه امان
يعني مش حزام و لا فرامل abs و لا ايرباج
الامان يعني صاج
هيجي واحد يقولي
طب ما الالماني صاجه زي الفل و متين ؟
هقوله مش كل الناس بتركب الماني
معظم الناس بتركب صيني و كوري
الالماني صاجه ناشف
يعني لما يحصل تصادم هيمتص الصدمه او الفعل
طب فين رد الفعل ؟؟؟؟؟؟
رد الفعل في جسمك انت
نتيجه نشوفيه الصاج
انا كنت راكب في عربيه جيتا مع واحد صاحبي
طبعا عربيه صاجها نااااااااااااشف جداااااااااااااا
و حصل تصادم كبير جوه البلد
بس الراجل التاني هو اللي غلطان
انا حسيت ساعتها ان في فيبريشن في جسمي كله
و هو ده رد الفعل الرئيسي
يعني لو التصادم اقوي شويه
ممكن يحصل نزيف داخلي نتيجه الفيبريشن ده
طب يعني نخلي العربيات صاجها ورق ؟
اه طب ليه ؟
ما هو لو صاجها ورق العربيه اي نعم
من اقل خبطه هتتدمر
بس رد الفعل راح في الصاج
نتيجه انه ضعيف
لو ركزتوا شويه هتتلاقوا
ان رده الفعل هي اللي طبقت الصاج
يعني مع خبطه الجيتا
الصاج اتطبق شويه
و بقيه رد الفعل في جسمي انا
اما في العربيه اللي صاجها ضعيف
رد الفعل معظمه جه في الصاج
ففي 60 داهيه الصاج المهم احنا
طبعا النقاش علي موضوع الصاج عرفهوني
الاستاذ المبدع حازم شاهين
انا عارف اني طولت عليكوا
و مستني ردودكوا