شكرا لذوقك اعتقد خلاصه كلامك حاله العربيه هي اللي تحكم
في حاجه عاوز اعرفها يعني ايه كرسي طيارة ويا تري ينفع احط كراسي نوع يكون مريح في اللادا ولا مينفعش وايه راي حضرتك في موضوع الدريكسون ناس بتقول نركب دريكسون بتاع 131 اسكاترا
هل حد جرب حاجه زى كدة او عندو فكرة عن الموضوع دة
وشاكر جدا ليك ولسرعه ردك
|
الكراسى الطيارة بتكون أريح كتير فى القعدة عن الكراسى العادية , دى صورة لنوع ممتاز منهم إسمه ريكارو
و ده موجود فى الـ 2107 (مش هو طبعاً بس حاجة فيها الكرفات و المخدات اللى موجودة على القعدة و الظهر)
بالنسبة للدركسيون فى اللادا, مش هتحس إنه تقيل غير و أنت بتركن فقط, غير كده و إنت ماشى زى أى عربية. و ممكن تركب مكنه باور لو عاوز, بس تغيير المناول على رولمان بلى و متابعة زيت الدركسيون هيديك نتيجة مرضية بإذن الله.
بالنسبة لتغيير علبة دركسيون لادا لسكاترا الـ 131 و الشاهين ... بيتم بس بيبقى فيه تعديل فى المناول (قص و لحام) و بتدى نتيجة كويسه فى النعومة بس ضبط الزوايا بيضيع و العربية بتنحل طرف الكاوتشات.
فيه تعديل تانى بيتركب فيه علبة تيوتا 82-84 بس بتتربط بمسمارين و الثالث لأ, إلا إذا .... (محمد طلبه بيعمل حاجة فيها تخلى ال_3 مسامير يركبو تمام و بدون أى تعديل, بس ده سر المهنه و غير قابل للنشر)
برضو جرب الحاجة اللى تقع أدامك و أكشف كويس و صلى أستخارة و شوف مستريح لإيه.
أعانك الله و وفقك لما فيه الخير