[m_m_sh_a]

المشاركة الأصلية كتبت بواسطة t&n باستثناء اني مؤيد للنظام وانت معارض فاانا اتفق معاك جدا ان حال البلد فعلا ولا يسر عدو ولا حبيب وحسبي الله ونعم الوكيل في الظالم ايا كان ده اولا المهم بقي اني مش جايب الخبر ده من مكان علي هوايا ولا حاجه الخبر كان في كل المواقع علي فكره واللي اتمسك خالد الشيخ والمعده بتاعته ومنتقبه وفي المقابل كان برده في وكيل نيابه اتمسك في عربيه مع واحده يوم شم النسيم الاتنين احنا متفقين انه طبعا لايجوز لده ولا لده الاول المفروض انه متدين وملتحي وبيصلي التاني مركزه ميسمحش بكده بس الملتحين والمنتقبين عايشين علينا وعلي نفسهم الدور انه ملايكه نازله من السما ودعاه دين واحنا كفره انما بتاع النيابه ولا الراقصات علي كلام الاخوان ومقولتش انت اهو عشان متزعلش ولا غيرهم اللي انتخبوا السيسي مش عايشين في الدور ولا بيقولوا علي نفسهم ملايكه ولا دعاه دين ولا بيكفروا حد ده الفرق مش اكتر ده تاجر دين ومنافق وكداب كباقي عينته واخيرا اتشرفت بحديثك

يعرف الرجال بالحق ..ولا يعرف الحق بالرجال ..بمعنى آخر ..الحق أحق أن يتبع ..بصرف النظر بقى مين اللي بيعتنق الحق ده ..أو مين بيكفر بيه ..فهو أحق أن يتبع ..

أنا آخذ عليك تعميمك المخل بالموضوع ..حكاية المنتقبات والملتحين عايشين علينا الدور ..يا أخي ما في نصارى عايشين الدور برضه ..وبيكفرو اللي ما بيؤمنش بيفكرهم ..وفيه علمانين عايشين الدور برضه ..وبيتهموا أي حد يختلف معاهم في الرأي إنه متخلف وما ينفعش تتكلم معاه غير لما يوصل للمستوى الراقي اللي يؤهله للكلام ...سؤال ...هو أنا ينفع أقول أي حد لابس بدلة ظابط يبقى بلطجي وحرامي؟؟ ..هو كل الضباط شغالين في أمن الدولة وبيعذبوا المعتقلين؟؟ ..مش في ضباط في المطافي وفيه ضباط في المرور وفيه وفيه ؟؟..هو أنا ينفع أقول كل القضاه زي القاضي بتاع صفحات السكس ده ..مش فاكر إسمه إيه ..آه ..ناجي شحاته ..هو أنا ينفع أقول كل القضاه زي ناجي شحاته؟؟ ..هو أنا ينفع أقول كل اللي في الجيش حراميه وعايزين مصلحتهم وأهم حاجه عندهم الإمبراطورية الإقتصادية بتاعتهم اللي بيبنوها على حساب الناس الغلابه اللي زينا ؟؟..كل فئه فيها الكويس والفاسد ..تزيد بقى نسبة الكويسين بالنسبة للفاسدين أو العكس ..بس التعميم فعلا ..بيخل بالموضوع ..هل لما مسكوا منتقبه وملتحي في عربيه ولا في حديقة مثلا ...ده معناه إني مش هلتحي ..ولا إن البنت ما تلبسش نقاب ..طيب ما في صورة كانت منتشره قوي على الفيس بوك ..جايبلك ست وبنتين بيعدوا الشارع ومغطيين جسمهم كله بوشهم كمان ..وبعدين كاتبلك في الآخر ..ما تتسرعش إذا كنت من كارهي اللحيه والنقاب ..دول مش مسلمين ..دول يهود متشددين في إسرائيل ..الله ..طيب ما غطاء الجسم كله أهو موجود عند اليهود ..ليه لصقنا المشكلة بالمسلمين بين ..ليه ما نوصفش كل حاجه بوصفها العادي الطبيعيي