موتور ال 128 بينتش
السلام عليكم ياشباب
انا لسه جديد فى موضوع ميكانيكا السيارات وعندى 128 هى فيها حاجات كتير عايزة تتزبط ومحتاج خبرتكم ونصايحك ...بس طبعاً انا حمشى خطوه خطوه فى حل مشاكلها مش حقول كل حاجه مره واحد حبتدى معاكم بأول حاجه ان الموتور بينتش وانا ماشى فجأه ألاقى العربيه أتكلبشت مره واحده وقفشت واسمع صوت فرقعه طالع من الكبوت وساعات بسمعه من ورى وبعدين تمشى كويس وبيتكرر الموضوع وانا ماشى كذا مره ...روحت للمكيانيكى قالى البوجيهات عايزة تتغير غيرتها مع انى كنت مغيرها قبلها ب 3 شهور الميكانيكى طلعها مهببه بالاسود ... المهم بمجرد انى غيرت البوجيهات طلعت اجربها عملت نفس الموضوع ... الميكانيكى قالى ممكن يكون الكربيرتير فى حاجه بيخلى البوجيهات تبوظ انا ما اقتنعتش بكلامه لان الموضوع حصل على طول بعض تركيب البوجيهات ياعنى لسه ماحصلش اى تأثير عليها ... انا مش عارف ايه الحاجات الى بتخلى الموتور ينتش غير البوجيهات علشان اكشف عليها ممكن تفدونى ؟
|