المشاركة الأصلية كتبت بواسطة الجوهرى68
المنتدى مميز وكم معلومات رائعة عن الفيرنا . بس انا لم اجد به حل لمشكلتى وواضح انها لاتتكرر كثيرا . املك سيارة فيرنا 2012 وعندى مشكلة فى خرطوم البنزين بيسرب بنزين بصورة كبيرة من فوق الماكينة من اتجاة المانفل وذهبت الى الميكانيكى قال دا عيب فى الفيرنا ولابد من حل كل الوصلة من التانك حتى مدخل الماكينة لانها مكبوسة قطعة واحدة (بصراحة هو ورانى الوصلة وكنت فى غاية الاستياء ان يكون فكر المصنع بهذا الشكل ) . تكلفة الوصلة كاملة غالية فكبست النهاية التى بها تسريب وعاشت 6 شهور ورجعت تانى .هل اجد عندكم الحل او النصيحة بالتغيير بالكامل. جزاكم الله خيرا
|
---------------------------------------------------------------------------------------------------------------------------------------------------------------------------------------------------------------------------------------------------------------------------------
طبعاً هتلاقي الحل والنصيحة اى ما أنا لاقيت ولاد حلال نصحتني في نفس العيب و المشكلة
اولا كل الفيرنات فيها العيب ده
ثانياً ده مش عيب خطير ولا صعب بفضل الله
بص يا سيدي
اول حاجه انزل التوفيقية اشتري شجره البنزين بتاعت الفيرنا
هتلاقيها من 250 ل 300
خدها معاك و روح
تاني يوم من أوله روح لميكانيكا شاطر و سيبك من الراجل إللى كبسهالك ده
هيحل الشجره القديمة و هيفك تانك البنزين و شويه حاجات من قلب الموتور عشان يعرف يحلها
الفك هياخد حوالي ساعتين و التركيب حوالي ساعه
أتأكد انه ركب تانك البنزين كويس والأنبل الورانيه وقفل الموتور زي ما كان
مصنعيها من 100 ل 200 علي حسب المنطقة والامانة
أنا دفعت مصنعيه 150 بالفصال
وهتنساها بعد كده
ومتنسانيش بالدعاء
وشكراً