[kj1]

شاب عنده 23 سنة بس حرامي هجام طلع ع المواسير وجيه يفتح الشباك كسر حته من الشيش بس ما كانش يعرف إن ف حد ساكن ف الشقة ، صاحب الشقة قام ع صوت كسر الشيش راح فتح الشباك يشوف ايه ال حصل وهو بيفتح الشباك الشباك خبط ف الحرامي فاختل توازنه ووقع من الدور الرابع ومات . وفجأه الناس اتجمهرت ف الشارع وأصوات ثائرة بتصرخ ......


الإخوان ( ثائرين ) : شوفتوا السيسي وصلكم لإيه .....
‏السلفيين : السرقة حرام بس صاحب الشقة غلطان ......
شاب_ثورى1 : " طبعا هيقولك ايه ال طلعوا ع المواسير "... ع نغمة يعني " ايه ال وداهم هناك " .......
‏شاب_ثوري2 : الدم المصري كله حرام ......
شاب_ثورى3 : هو يعني كان صاحب الشقة شاف بطاقته ولقي مكتوب حرامي ؟ ......
‏شابه ثورية1 : أنا مش عارفة لحد امتي هنفضل ف الكوارث دي ؟ ليه الشاب ده يموت ؟ مش مهم كان رايح يعمل ايه أنتم عارفين يعني ايه أرواح....... ‏
شابه_ثورية2: معقوله بقي جزاء ال يكسر حته من الشيش يموت؟ ليه الدم رخيص للدرجة دي ! .......
‏شابه_ثورية3 : حق الشهيد مش هيضيع نحتسبه عند الله من الشهداء !
شابه_يسارية : أنا فاهمة إن ال فتح الشيش صاحب الشقة بس مش ياخد باله وهو بيفتحه مش ممكن يكون حد ع المواسير ! .......
شاب_تويتاوي : ماسك سمارت فون وكتب هاشتاج كلنا_هجامين .....
شاب_فيسبوكي: عمل صفحة حق متسلق المواسير مش هيطير .......
شاعر_ثوري : عمل قصيده وكتب " أه يا بلد فيكي قرش الحشيش أغلي من دم الولد الى كسر الشيش .....
منقول