استفسارات بخصوص لانوس 1
 

السلام عليكم
انا الحمد الله لسه جبت دايو لانوس1 موديل 2000..........بس كنت عاوز مساعدكم في كام نقطه.
1- فوانيس العربيه الخلفيه اللي هي نايمه ..فكده هي لانوس 1 بس انا لما جيت اراجع الـVin number لقيته مش ذي الكتالوج ما بيقول KALT من الشمال..... الموجود عندي EATF.... يبقي كده مش كوري؟؟ فممكن توضيح.
2-في وصله من اعلي المحرك موصله لدخول الهواء اعتقد 1 بوصه......ده فيها خرم ....اعمل في حاجه ولا فكك.....

3-الانذار بتاعها انا مش فاهمله حاجه و الريموت في اربع زراير من 1 الي 4 من غير علامات........لو حد فاهم فيهم حاجه يقولي.......

اسف علي الازعاج بس معلش سامحوني

رد: استفسارات بخصوص لانوس 1
 

- فوانيس العربيه الخلفيه اللي هي نايمه ..فكده هي لانوس 1 بس انا لما جيت اراجع الـVin number لقيته مش ذي الكتالوج ما بيقول KALT من الشمال..... الموجود عندي EATF.... يبقي كده
مش كوري؟؟ فممكن توضيح.
بالنسبه لموضوع الفوانيس اللى بالعرض ده 1 واللى بالطول تبقى 2 وال1 كورى مفيهاش كلام واللخبطه بتاعه الكتالوج يبقى كده الكتالوج مش بتعها
في وصله من اعلي المحرك موصله لدخول الهواء اعتقد 1 بوصه......ده فيها خرم ....اعمل في حاجه ولا فكك.....
بالنسبه للخرطوم لو انت تقصد الخرطوم الصغير اللى واصل فى الخرطوم الكبير السوسته اللى رايح على الفلتر يبقى لازم تتغير لانها كده هتاخد تراب وتدخله على البوابه لان الخرطوم ده بياخد بخار الزيت ويروح بيه على البوابه علشان يعمل عمليه تلين للفتحه بتاعه البوابه
الانذار بتاعها انا مش فاهمله حاجه و الريموت في اربع زراير من 1 الي 4 من غير علامات........لو حد فاهم فيهم حاجه يقولي.......
فى موضوع الريموت الاربع زراير دول المفروض ان فيهم واحد بيفتح واوحد بيقفل والاتنين التانين واحد يعمل العربيه صامت يعنى العربيه تنور بس والتانى يعمل الانذار وعلشان تعرف المفاتيح كل واحد منهم بيعمل ايه يبقى حضرتك لازم تجرب زرار زرار وهتعرف وظيفه كل واحد منهم يا اما تشيله وتجيب واحد وولف جديد وتريح دماغك
يارب اكون قدرت افيدك والف مبروك وربنا يكفيك شرها:GROWIN~12:

رد: استفسارات بخصوص لانوس 1
 

بجد انا مش قادر اقولك انك بردك ده ريحتني قد ايه علشان حوار انه مش كوري ..شغل دماغي و الشيء اللي زود القلق ده اني لقيت الوحه السوده بتاعت Vin مكتوب عليها كلام مترجم عربي ذي الموديل و السنه و كده ...فزود شكي اكتر..........جزاك الله خير

بخصوص وصله التبخير فباذن الله هغيرها ...و الريموت هلعب فيه لغايط ما افرق بين كل زرار و ربنا يكون في عون الجيران من صوت الانذار بقي :)
انا هستني شويه علشان انا جديد في السواقه و بعد كده هدخل علي الانذار و التعديلات و الدلع كله :)))))))))))))))

رد: استفسارات بخصوص لانوس 1
 

:018A1D~146::018A1D~146:: 018A1D~146: