لوجان اوتو او صنى 2013 اوتو
السلام عليكم
انا معايا لانوس وهى بصراحة عربية جميلة وحمالة اسية وبستحمل مطبات مصر وعفشتها جامدة بس انا تعبت من سواقة المنيوال ونفسى اسوق اتوماتيك زى الناس المحترمة انا دائما مقياسى فى اختيار السيارة هو رقم واحد التوكيل انة تكون معاملة محترمة مع العملاء من ناحية الصيانة وميكونش عندو غش فى قطع الغيار لان بعض التوكيلات بتجيب قطع غيار صينى وتركبها على انها اصلى ويشيلنى فى فترة الضمان من الالف للياء غير بعض التوكيلات بتتهرب من مسؤليتها عن السيارة اثناء الضمان وتكلف العميل ثمن الصيانة وقطع الغيار ودة اسمة نصب طبعا والتوكيل اللى يعمل كدة ميبقاش توكيل محترم ثانيا انا ماتفرقش معايا شكل السيارة من الخارج بقدر ما يفرق معى وسع صالون السيارة ووسع الشنطة وعلو السيارة عن الارض علشان المطبات والحاجات العملية اكتر هى اللى تفرق معايا انا محتار بين عربيتين اللوجان والصنى الجديدة ارجو من السادة الاعضاء ابداء اراءهم فى العربيتين دول بس ياريت محدش يرشحلى اى سيارة اخرى لان انا استقريت على الاتنين دول بس وياريت يذكر اسباب ترشيحة للسيارة دى وعدم ترشيحة للسيارة الاخرى مع العلم ان الصنى اغلى من اللوجان بحوالى 23000جنية هل تستحق فرق السعر دة واللجان 110 حصان الصنى 108او 99حصان فى تضارب فى المعلومات وفى كل الاحوال اللوجان عدد احصنتها اعلى اما الصنى فيها ميزة الفرامل absهل فرامل abs اصبحت شئ اساسى فى اختيار اى عربية او هى مش فارقة فى شوارع مصر وهى مجرد رفاهية زيادة وشنطة اللوجان اكبر من شنطة الصنى ب20لتر 510-490 لتر هل ال20 لتر دول فرق كبير ولا صغير والصنى فيها فتح خزان الوقود من الداخل اللوجان مفيهاش دركسيون اللوجان مالتى فنكشن الصنى مفهاش الصنى فيها مراوح للمقاعد الخلفية لكن هى مجرد مراوح مش تكيف الصنى لا يوجد بها مؤشر حرارة مجرد لمبة وفى النهاية هل الصنى تستحق فرق المبلغ دة ام لا وشكرا |
رد: لوجان اوتو او صنى 2013 اوتو
واضيف ان الصنى بها 2ايرباج واللوجان 1ايرباج وكاوتش الصنى صينى يعنى لما تشترى العربية لازم تتكلف ثمن 4كاوتشات جداد نوع نضيف
|
رد: لوجان اوتو او صنى 2013 اوتو
اول حاجة صلاة استخارة ثانيا : ان ارشح اللوجان فى كل حاجة كفاية الالفات الى فى فرق السعر بالنسبة للabs هية برده مفيدة فى الوقوف فجاة بس القرار يرجع ليك ... بس كان فى عضو من الاعضاء كان لقى فى نتشة فى فتيس اللوجان بتاعتة الجديدة و راح للتوكيل قاللوه اتكيف على هذا الوضع هو ده العيب الوحيد الى سمعته فى العربية فسأل عليه برده علشان ده مشكلة كبيرة .. التكييف ممتاز للوجان ..فتح التنك من الخارج مش قضية .. انا رايى اللوجان و بالتوفيق
|
رد: لوجان اوتو او صنى 2013 اوتو
السلام عليكم حكايتك زي حكايتي بالظبط حتى معايا برده لانوس 2006 بس انا محتار بين اللوجان والألنترا 2010 المهم الصني القديم معرف عنها انه غول بنزين مش عارف الجديد فيه نفس العيب ولا لأ والله المستعان |
رد: لوجان اوتو او صنى 2013 اوتو
اقتباس:
|
الساعة الآن 09:00 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017