لمبة الزيت طفيت في سيارتي 128 الحقوووني
السلام عليكم ورحمة الله وبركاته
اعضاء المنتدى الكرام تحية طيبة ظهرت مشكلة في سيارتي 128 ان لمبة الزيت طفيت لوحدها ومبقتش تنور مع الكونتاكت ايه الحل؟؟؟؟ هل حساس الزيت كدة عطل ومحتاج يتغير ولا اللمبة نفسها تحرقت اعمل ايه عشان اعرف... واشكركم جدا على تعاونكم |
رد: لمبة الزيت طفيت في سيارتي 128 الحقوووني
لاء غالباً اللمبة اتحرقت لان تدوير الكونتكت مبيعملش غير انه يدى كهرباء لكل اللمبات لاختبارها
|
رد: لمبة الزيت طفيت في سيارتي 128 الحقوووني
غير ساعة الزيت بواحدة جديدة بـ 15 جنية
وقبل لما تغيرها عشان تتاكد ان ساعة الزيت هى اللى عطلانة ولا اللمبة اتحرقت شيل كلبس ساعة الزيت من الساعة ولمسة فى جسم الموتور على حاجة معدن افتح كونتاكت لو نورت يبقى اللمبة سليمة والساعة اللى عاوزة تتغير لو مانورتش يبقى اللمبة اللى عاوزة تتغير |
رد: لمبة الزيت طفيت في سيارتي 128 الحقوووني
ربنا يبارك فيكم يا شباب المنتدى الكرام انا بالفعل عملت كدة خلعت كلبس الساعة ولمسته في جسم الماتور وانا فاتح الكونتاكت وفعلا اللمبة نورت يعني كدة المشكلة في ساعة الزيت ونزلت اشتريت واحدة جديدة بـ 12 جنيه المفروض انها ايطالي بس لسة هاركبها
عندي مشكلة تانية دايما بلاقي فوق ساعة الزيت على جسم الموتور نفسه زيت موتور زي مايكون خارج من الموتور في المنطقة اللي بين مكان تركيب الساعة والبوجيه الثالث بالطول كدة وكل ما انظفه يرجع تاني مش عارف ايه الحل |
رد: لمبة الزيت طفيت في سيارتي 128 الحقوووني
اقتباس:
|
الساعة الآن 05:12 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017