ال127 والتعامل مع البشر
 

بسم الله الرحمن الرحيم
الحقيقة مش عارف ابتدى منين لكن عموما بدايتى مع السيارات من زمان يجى 30سنة ايام البيجو ال504 لوتفتكروها فى عزها وطبعا كان لازم انك يكون عندك الميكانيكى بتاعك والعفشجى وبتاع الدوكو الخ الخ
طبعا جرت الايام وظهرت السيارات الكورية وابتدت اسطورة البيجو والتمساحة كانو اشهر عربيتين وكان لابد من التغيير وبدات بمستعمل وبعدين جبت الزيرووووو
طبعا بمجرد مابتجيب الزيرو لو انت محافظ وربنا ساترها معاك بتنسى كل طقم الصنايعية اللى معاك وطبعا انت هتنزل من زيرو هتجيب زيرو لو ربنا كارمك وحدث كل هذا معى الى ان اشتريت اخر عربية زيرو فمن خوفى عليها قلت اشترى عربية صغيرة مستعملة وفكرت ف ال127 وكل مااقول لواحد صاحبى ينهرنى ياراجل انت مجنون هترجع تانى لقرف الصنايعية والجرى وراهم لالالا . لكن الفكرة برضه مخيشة ف دماغى وفعلا السعيد من وعظ بغيره برضه بس برضه صممت واشتريت ال127 وجبتها حالة شاذه فابريكة بره وجوه وطبعا اى واح بيبيع يقولك مش هتصرف عليها مليم ( انسى) هتصرف هتصرف المهم ابتدت رحلتى عايز اضبط الفشة وعاوز طقم دواسات وعاوز اضبط المكنة القصد شوفت وشوش ماشفتهاش من يجى عشر سنين المهم لقيت العفشجى توفى وابنه اللى ماسك الورشة ولانه اشهر عفشجى فلقيته بيتنك اوى اوى وطبعا عيل صغير المهم ماعلينا ياباشا عاوز اضبط العفشة يبصلى بطرف عينه والله كانى باشحت وبعدين غيرى جوز مساعدين ولسعنى ف الحساب قلت ماشى المهم مشيت جربت لقيت ان فى بعض الملاحظات ف العربية قولت اروح له تانى يوم طبعا نسيت اقولكو ان انا كنت الوحيد اللى واقف ب 127 الباقى اوكتافيات وولانسرات وشفت عنده والله جاجوار طبعا انا مش واخد بالى خالص المهم رحت تانى يوم طبعا برضه واقف عنده ماركات عالية المهم لقيه مطنش وبعدين بعت لى صبى قالى قوله يجى بكره طبعا قلت له ازاى ومش ازاى المهم مشيت هعمل ايه يعنى هشغله بالعافية تانى يوم نفس الحكاية وفجاة فهمت ان الموضوع ان العربية هتشبهه وتعمل للورشة منظر مش هو فاستغربت للدرجة دى الناس اتغيرت يعنى اروح اجيب عربياتى التانية امشيها قدامى ولا الزق الرخص بتاعتهم على ضهرى علشان الناس
طبعا دا غير نظرات الناس اللى سايقة ف الشارع جنبك لكن اقولكو ربنا كرمنى بصنايعى تانى محترم وضبطلى العربية وبامشى مش ف دماغى خالص وسعيد جدا يكفى ان العربية بتفكرنى بايام زمان

رد: ال127 والتعامل مع البشر
 

رد: ال127 والتعامل مع البشر
 

رد: ال127 والتعامل مع البشر
 

:Wkiss5::THUMBS~220:

رد: ال127 والتعامل مع البشر
 

انا مش بعترف بكلمة صنايعى

لان صنايعى معناها فن الصنعة

والاشخاص دول ما عندهومش فن ولا يعرفوا حتى يكتبوا اسمهم

اغلبهم امى لا يعرف يقرا ولا يكتب

واللى بيعرف يقرا منهم بيكون دبلوم بالكثير

ولا واحد منهم درس فى كلية او جامعه او حتى خد كورس تدريبى فى صيانة السيارات

انتم اللى عملتوهم صنايعية انما هما ولا حاجة

التعليم عندهم بيعتمد على فكرة عمال الطوائف فى الدولة المملوكية ( الصبيان )

عن طريق الفك والتركيب والمحاولة والخطأ بيتعلم ويعرف ازاى يتعامل مع مشكلة معينة

انما كفهم وابداع وصنعة وفن لا يوجد اطلاقا

لذلك عود نفسك تفهم واشترى عدة واشتغل بايدك

مش عيب

وحتى لو اضطرتك الظروف للتعامل مع حد منهم اصبر لما تشوفه بيعمل ايه

وبعد كده اعمل بنفسك واعتمد على نفسك

دى وجهة نظرى

واحترم بقية الاراء